Ukuri ku mubyeyi byavugwaga ko  yabazwe n’abaganga ba CHUK  bakamusigamo  imyanda

Ku wa mbere w’iki cyumweru gishize nibwo Bazubagira Jacqueline yajyanywe ku bitaro bya Kaminuza ishami rya Kigali(CHUK)yoherejwe n’Ibitaro bya Kibagabaga aho yari agiye kubyara ariko abaganga baza kwibeshya basiga imyanda mu inda ye ariko ibitaro bikavuga ko kugirango bayikuremo agomba kwishyura amafaranga yo kongera kuvurwa.

Mbere y’uko abyara, Umugabo we Havugimana Celestin yaje kubwirwa ko umugore we afite abana babiri mu nda kandi ko agomba kubyara abazwe maze arabisinyira.

Ngo nyuma yo kubyara ndetse akanazanzamuka mu kinya yari yatewe n’abaganga ku wa Gatanu w’icyumweru gishize ngo abaganga baje gufata icyemezo cyo kumusezerera ariko ngo akomeza kuribwa cyane kugeza ubwo kuwa Mbere tariki 20 Ugushyingo 2017 ibizamini by’umuganga byagaragaje ko abamubyaje hari umwanda bamusize mu nda.

Iyi myanda abaganga bavuga ko ari amaraso yasizwemo ubwo yabyaraga ariko bakaba batarigeze babisobanurira umugabo w’uyu mugore cyangwa se ngo banabibwire nyir’ubwite kuko bombi bari baziko ari imikasi cyangwa se indi myanda bamusizemo.

Uyu muryango wari wabwiye TV1 ducyesha iyi nkuru ko ufite ibibazo by’amafaranga ya Caution ibihumbi 5frws wasabwaga bakanavuga ko bakeneye ko umurwayi wabo yihutishwa kugirango avugwe.

Nyuma y’uko yakiriwe yaje kuvurwa ndetse aya mafaranga barayishyura.Uyu mugore yavuze ko yishimye uburyo ubuzima bwe bwatabawe ariko ko kandi anenga ibitaro bya CHUK bitabasobanuye ibijyanye n’iyo myanda byavugwaga ko yasigaye mu inda ye.

Yagize ati “Baranyakiriye peee ndanabashima kuko iyo batananyakira ntabwo ubu mbandiho ntabana banjye ntibaba bariho.Baranyakiriye baramvura cyane ko rwose pe nari narangije gupfa byarangiye.”

Yungamo ati “Nabo nk’ikintu navuga ntibigeze babwira umugabo wanjye bati ‘ni umwanda uyu n’uyu twabonye.Ntibigeze banavuga bati ’wenda umudamu wawe twamwakiriye afite ikibazo iki n’iki bituma habaho ikibazo mu nda ye bimugiraho ingaruka.

Ibyo byose ntabwo byigeze bibaho ngo babibwire umugabo wanjye abimenye cyane ko byanamucanze umuganga wanyujije mu cyuma bimaze kumucanga nyine ahamagara undi mugenzi we n’umugabo wanjye bari bari kumwe nawe ahahagaze nyine bari kupima.Birangiye nyine ubwo barongeye baramvura bankora mu nda barahoza.”

Uyu mugore avuga ko nta mikasi bakuyemo ‘cyane ko nta numvaga bantera ikinya’.

Dr Nyundo Martin, Umuyobozi Mukuru ushinzwe ubuvuzi muri CHUK we avuga ko icyabayeho ari ukudasobanukirwa imyanda abaganga bavugaga. Ahamya ko ari amaraso yari yasizwe muri nyababyeyi ubwo uyu mubyeyi yabyara.

Yakomeje avuga ko atari mu nda iyo myanda yari yasigayemo kuko bongera kumuvura batafunguye inda ahubwo bakuye amaraso yari yasigaye muri nyababyeyi.

Ku bijyanye n’amafaranga yakwaga umugabo kugirango umugore we avugwe ngo ni ibisanzwe kuko iyo umuturage yasezerewe akongera kugira ikibazo bamufata nk’umuntu mushya uje kwivuza.

Si ubwa mbere amakosa nk’aya yaba akozwe n’abaganga kandi akenshi uturinda ntoki,imikasi n’ibindi bitambaro nibyo byakunze kuvugwa ko bisigwa na bamwe mu babyaza mu nda y’umubyeyi,abaganga bo basobanura ko ari ukwibeshya mu mwuga.

Inkuru bifitanye isano :Aratabariza umugore we wabazwe n’abaganga ba CHUK bakamusigamo imyanda



Tanga igitekerezo kuri iyi nkuru



Igitekerezo
Dewson Kuya 25-11-2017

Ikinyarwanda kirakenye gusobanura ariyamagambo uyabwira umurwayi biragoye, ariko mujye mwumvako uuganga abereyeho gukiza ubuzima bwuje amugana atagomba kubushyira mukaga, nkaba nanenga nitangaza makuru ritabanza ngo rimenye ukuri rikihutira kuvuga ritabanjije gusesengura ngo ribaze nabanyirubwite.ikibazo cyabaye kuri uriya mubyeyi cyaba no kuwundi si ikosa ry’umuganga kuko bibaho kenshi aho umuntu amaraso ahobora kuza muri nyababyeyi nyuma yo kubagwa bikamutera ibibazo (endometritis pot cesarean section)mururimi rwamahanga bigoye kubisobanura mukinyarwanda, ntekerezako bibaye ari ubushake ntabwo bakongera ngo bamuvure kandi baramuteje ikibazo babishaka.

Dewson Kuya 25-11-2017

Ikinyarwanda kirakenye gusobanura ariyamagambo uyabwira umurwayi biragoye, ariko mujye mwumvako uuganga abereyeho gukiza ubuzima bwuje amugana atagomba kubushyira mukaga, nkaba nanenga nitangaza makuru ritabanza ngo rimenye ukuri rikihutira kuvuga ritabanjije gusesengura ngo ribaze nabanyirubwite.ikibazo cyabaye kuri uriya mubyeyi cyaba no kuwundi si ikosa ry’umuganga kuko bibaho kenshi aho umuntu amaraso ahobora kuza muri nyababyeyi nyuma yo kubagwa bikamutera ibibazo (endometritis pot cesarean section)mururimi rwamahanga bigoye kubisobanura mukinyarwanda, ntekerezako bibaye ari ubushake ntabwo bakongera ngo bamuvure kandi baramuteje ikibazo babishaka.