Ubuzima bwa muntu bukomeje kujya mu kaga kubera ibyuka bihumanya ikirere

Abahanga mu by’ubumenyi bw’ikirere bavuga ko ibyuka bihumanya kirere byitwa ‘dioxyde de carbone’ (CO2) biri mu kirere byiyongeye cyane mu mwaka wa 2016 kugera ku rugero rutigeze kuboneka kuva mu myaka isaga 800,000 ishize.

Ikigo mpuzamahanga gishinzwe kugenzura ibihe "World Meteorological Organisation" kivuga ko uruvangatirane rw’ibikorwa bya muntu hamwe n’ibihe bya El Nino byongereye ibyuka bihumanya ikirere bya dioxyde de carbone (CO2) bamwe banemeza ko ari uburozi ku kigero cyo hejuru cyane kitigeze kubaho mu myaka 800, 000. Mu mwaka ushize wa 2016, ibi byuka byari byiyongeye ku kigero cya 50% ugereranije n’igipimo rusange cyo mu myaka icumi ishize.

Abashakashatsi bavuga ko bari biteze ko ibipimo biziyongeraho kubera ko ibihe bya El Nino byatumye haduka izuba rikaze naryo ryatumye ibyateganywaga gukorwa bidashobora kubera umwuka wa "CO2" wari wuzuye mu kirere.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo