USA: Umunyamakuru yabyariye mu kiganiro yatangaga

Umunyamakuru witwa Cassiday Proctor wo muri Leta Zunze Ubumwe za Amerika, yabyariye mu kiganiro aho abamukiranye babonye uko igikorwa cye cyo kubyara cyagenze ngo kuko yari yarabyifuje akimara gutwita iyi nda.

Cassiday Proctor, asanzwe akora ikiganiro gikunzwe cya Spencer’s Neighborhood gica kuri Radio The Arch Station iri mu zikomeye mu Mujyi wa St Louis. Mu kiganiro uyu mugore yakoze mu gitondo cyo ku wa Kabiri tariki ya 21 Gashyantare 2018, yatunguye abarimo bumva Radio aribaruka ndetse umuhango wose bawugeza ku bafana be.

Ubuyobozi bwa Radio Cassiday Proctor akorera, bwagiranye ubufatanye n’ibitaro yabyariyemo kugira ngo igikorwa kigezwe ku bari bakurikiye ikiganiro nk’uko yari yarabyifuje.

Yagize ati “Mu by’ukuri byari ibyishimo by’ikirenga gusangira ibihe bidasanzwe by’ubuzima bwanjye n’abari bakurikiye radio.” Yongeyeho ko ari ikintu yifuzaga ndetse ko yanyuzwe n’uko cyagenze.

Cassiday Proctor yari yarabyifuje kuva kera kuko yumvaga gusangira i byishimo n’abakunzi be ntako bisa ariyo mpamvu ku bufatanye n’ubuyobozi bwa radiyo ndetse n’abaganga byatumye igikorwa cye cyo kubyara ari muri Studio kigenda neza kandi n’abakunzi be bakaba babyishimiye nkuko BBC ibitangaza.

PNG - 1015.1 kb
Cassiday Proctor wabyaye ubwo yarimo atanga ikiganiro kuri Radiyo

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo