Rusizi : Arashinja ubuyobozi kumugurishiriza inka ntibamuhe indi

Umukecuru witwa Marie Mangadarena utuye mu mudugudu wa Nyakibingo,akagari ka Gahungeri ni mu murenge wa Gitambi mu karere ka Rusizi avugako yari yarahawe inka muri gahunda ya Girinka nyuma umunyamabanga nshingwabikorwa wayoboraga aka kagari arayigurisha ariko akaba atarashumbusha,ubuyobozi bw’umurenge wa Gitambi buvuga ko iyi nka uyu mukecuru ariwe wayigurishirije.

Uyu mukecuru kubera izabukuru ntabasha kwivugira aho hifashishwa umuhungu we unamuhagarariye,uyu muhungu we avuga ko uyu mukecuru yahawe inka muri gahunda ya girinka nyuma umunyamabanga nshingwabikorwa wayoboraga akagari ka Gahungeri ngo yaje kuyitwara arayigurisha,kuva icyo gihe uyu mukecuru akaba atarigeze ahabwa indi.

PNG - 4.5 Mo

Iyamuremye Jean Bosco wayoboraga aka kagari ka Gahungeri kuri ubu akaba yarimuriwe mukagari ka Hangabashi akaba ari nawe ushinjwa kugurisha iyo nka we yabwiye Tv1/Radio one ko uyu mukecuru ariwe wigurishirije inka bari bamuhaye,ibi kandi binashimangirwa n’umunyamabanga nshingwabikorwa w’umurenge wa Gitambi HABIMANA Emmanuel we wanatangaje ko uyu mukecuru basanga akwiriye ubufasha bundi bwamufasha kubaho ngo kuko inka yo atayishoboye.



Tanga igitekerezo kuri iyi nkuru



Igitekerezo
MBABAZABAHIZI Straton Kuya 8-12-2017

ibi ni ibinyoma,uminyamakuru wakoze iyi nkuru agomba kuregwa, kuko kwemeza amakuru nta bimenyetso agomba kubibazwa.