Nyuma y’imyaka 30 yishwe, Thomas Sankara abamushyigikiye biraye mu mihanda basaba ubutabera ku iyicwa rye

Ku cyumweru tariki ya 15 Ukwakira 2017, mu gihugu cya Burkina Faso ibihumbi n’ibihumbi by’abantu biraye mu mihanda mu murwa mukuru wa Ouagadougou basaba ubutabera nyabwo ku iyicwa ry’uwahoze ari umukuru w’igihugu Thomas Sankara.
Ku itariki ya 15 Ukwakira 2017 nibwo Thomas Sankara yujuje imyaka mirongo itatu yishwe.

Nyuma y’imyaka 30, abishe Thomas Sankara ntibaracibwa imanza
Mu gihe gito yamaze ku butegetsi, Bwana Thomas Sankara yarwanyije ubukene, ruswa ndetse n’ubukoroni bwihishe gusa nyuma y’ibi byose aza gushinjwa kuyoboza igitugu.

Nubwo hari abatabyemera neza gusa umunyamakuru wa BBC yavuze ko Sankara akiri urugero rwiza ku mamiriyoni menshi y’abanyafrika.
Abashyigikiye Thomas Sankara I Ouagadougou basaba ubutabera ku iyicwa rye
Abamwishe ku itariki ya 15/10/1987 gushika ubu ntibaracibwa urubanza.
Thomas Sankara yasimbuwe ku butegetsi na Blaise Compaore kuri ubu aba mu buhingiro mu gihugu cya Cote d’Ivoire ubutabera mpuzamahanga bukaba bwarasohoye impapuro zo kumuta muri yombi azira iyicwa rya Bwana Thomas Sankara. Thomas Sankara yishwe ku itariki ya 15 Ukwakira 1987 kandi abamwivuganye kuri ubu ntibaragezwa imbere y’ubutabera.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo