Ntibisanzwe ! Mu Buhinde impanga zavutse zifatanye imitwe nyuma iratandukanywa none kuri ubu ziguwe neza

Nyuma yuko havutse abana b’impanga (Jaga na Kalia) bafatanye imitwe mu gihugu cy’u Buhinde, inzobere z’abaganga zashoboye kubatandukanya iyi mitwe yabo aho kuri ubu umwe muri bo yatoye ubwenge mu gihe undi nawe ubuzima bwe bukibungwabungwa ku buryo bukomeye.

Muganga Deepak Gupta avuga ko uyu mwana witwa Jaga kuri ubu ameze neza nta kibazo cy’ubuzima afite ndetse akaba asa n’uwumva ibyo bamubwira gukora nko guhindukiza ukuguru n’ukuboko.

PNG - 999.8 ko
Jaga na Kalia mbere yo gutandukanya imitwe yabo habanje gutandukanya imitsi basangiye


Mu gihe Jaga amerewe neza, umuvukanyi we Kelia we kuri ubu ntaratora ubwenge neza aracyari ku miti ngo harebwe ko nawe yagarura ubwenge akagira ubuzima bwiza.
Ni ku nshuro ya mbere igikorwa nk’iki cyo kubaga abana bavutse bafatanye imitwe kibaye mu bitari bya leta mu mujyi wa Dehli kuko cyakoranije abaganga b’inzobere saga 30.

PNG - 881.3 ko
Abaganga bavuga ko ubuzima bwa Jaga na Kalia bukeneye gukurikiranwa bikomeye kandi umunota ku wundi

}
Aba bana b’abahungu b’imyaka ibiri bavutse bafatanye igufwa ryo mu mutwe, imitsi isubiza amaraso mu mutima ndetse n’igice gipfuka ubwonko.

Umuyobozi w’ibitaro bikuru ’All India Institute of Medical Sciences -AIIMS’, Randeep Guleria, yavuze ko iminsi 18 nyuma yo kubagwa, izatuma bamenya niba aba bana bazabasha kubaho neza.

Inzobere mu buvuzi bwo mu mutwe zatangaje ko iki kibazo aba bana bavukanye kizwi nka ’craniopagus’ gikunze kubaho gake cyane ku isi aho kiboneka rimwe mu bana miriyoni eshatu bavutse kandi 50 % y’abakivukanye bakaba batamara umunsi bakiriho. Uretse kuvuka bafatanye, abo bana bombi ngo basanganywe n’ibindi bibazo.

PNG - 685.6 ko
Gutandukanya Jaga na Kalia ni igikorwa cyafashe amasaha asaga 16 yose


Jaga afite ibibazo by’umutima mu gihe Kalia we afite indwara y’impyiko.

Abaganga bavuga ko mu gihe aba bana baba barokotse igikorwa cyo kubatandukanya, ikizakurikiraho ari ukongera kubadoda kugira ngo haboneke inyama yo gupfuka ubwonko bwabo kuko kubatandukanya kwatumye basigarana igisebe kinini ku mutwe ndetse n’ubwonko budafite ikibutwikiriye.

Mu kwezi kwa munani kandi aba bana bari babazwe kugira ngo abaganga bashake inzira yo kugabura imitsi ivana amaraso mu bwonko iyasubiza mu mitima yabo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo