Ni amayobera ! Umugore yasanzwemo ibyuma 70 mu mubiri we

Ibyuma bigera kuri 70 byasanzwe mu kuguru k’umugore witwa Anusuiya utuye mu majyaruguru y’igihugu cy’u Buhinde mu cyaro cya Fatehpur mu karere ka Uttar Pradesh. Bimwe muri ibi byuma 70 byasanzwe mu mubiri w’uyu mugore byiganjemo inshinge, imisumari ariko uko byamugeze mu mubiri nicyo gikomeje kuba urujijo.

Anusuiya w’imyaka 35 y’amavuko ngo byose bitangira haje agashyundu cyangwa akabyimba ku kuguru, ako gashyundu ngo kahora kamutera ububabare cyane ndetse kakaba ari nako kaje kugaragaramo ziriya nshinge ziganjemo izikoreshwa kwa muganga,imisumari n’inshinge zisanzwe. Uyu mugore yahuye n’ibibazo byinshi kuko kariya kabyimba katatumaga abashaga kugenda cyangwa ngo guhagarara.

Dr Vishal umuganga wavuye uriya mugore yavuze ko byamubereye ihurizo rikomeye kumenya aho biriya byuma 70 byanyuze byinjira mu mubiri w’uriya mugore binatuma atangira kumushinja kuba yaba yarihumanyije akiyinjizamobiriyabyuma

PNG - 856 ko
Bimwe muri ibi byuma 70 byasanzwe mu mubiri w’uyu mugore byiganjemo inshinge n’imisumari


Anusuiya yahakanye ibyo bamuvugagaho avuga ko atigeze yihumanya. Ibyo yavugaga akaba byashimangiwe n’umuvandimwe bari bamaranye imyaka 7 babana nawe wemeza ko mushiki we atigeze yihumanya.

PNG - 472.3 ko
Nyuma yuko Anusuiya anyujijwe mu cyuma nibwo hatahuwe ko afite ibyuma mu kuguru kwe


Kugira ngo bavumbure neza ko mu mubiri w’uyu mugore harimo biriya byuma bamunyujije mu cyuma maze bahita babibona mu kugura kwe. Nyuma yo kubibona mu kuguru byatumye bareba no mu bindi bice by’umubiri ngo barebe niba haba hari ahandi hari ibyo byuma ariko ntbagira aho babona nk’uko umuganga wavuye Nusuiy yabitangarije itangazamakuru.

Dr Vishal wavuye uriya mugore yatangaje ko bishoboka kuba urushinge rwakwinjira mu mubiri w’umuntu ariko atari ibintu bikunze kubaho. Yakomeje avuga ko baketse ko uriya mugore ari we wihumanyije cyangwa akaba afite uburwayi bwo mu mutwe aribwo bwatumye yiyinjizamo biriya byuma.

Uyu muganga yakomeje avuga ko kuva yatangira umurimo we wo kuvura ari bwo bwa mbere yari ahuye n’ikibazo giteye kuriya.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Ernest dukuze Kuya 16-11-2017

Daniel iga gutangaza inkuru uvuga aho byabereye