Myanmar: Hatahuwe ibyobo byashyinguwemo imibiri y’aba Rohingya

Igisirikare cya Repubulika ya Myanmar (igihugu kizwi kandi ku izina, Burma) cyavuze ko kirimo gikora iperereza ku bantu bishwe bagahambwa mu byobo byo mu Ntara ya Rakhine iri mu burasirazuba mu gihe ONU yo ishinja ubutegetsi buriho kuba aribwo bwakoze ubu bwicanyi kuba Islamu bo mu bwoko bw’aba Rohingya.

Mu itangazo ryacishijwe kuri Facebook y’umuyobozi w’ingabo, Jenerali Min Aung Hlaing, rivuga ko hari imirambo y’abantu bataramenyekana uwabashyinguye mu byobo biri mu Karere ka Maungdaw, kamwe mu turere twibasiwe n’ubwicanyi bukomeye.

PNG - 778.5 kb
Impunzi z’aba Rohingya.ziganjemo abana


Iryo tangazo ntirivuga umubare nyirizina w’iyi mirambo n’imiryango cyangwa amoko aba bantu baba baturukamo.

Iri tangazo kandi rivuga ko hazafatwa ingingo zikomeye z’ubutabera, igihe haba hari umusirikare waba warabigizemo uruhare.

Umuryango w’Abaganga batagira umupaka (Doctors Without Borders) wavuze unagereranya ko mu cyumweru gishize aba Rohingya bagera kuri 6700 bishwe mu kwezi kwa mbere ubwo ubu bwicanyi bwatangiraga, ubwo igisirikare ubwacyo kigabiye igitero mu kwezi kwa munani ku bantu biketswe ko ari abarwanyi b’aba Islamu.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo