Kenya: Amashitani akomeje guteza impanuka zihitana benshi

Abantu 17 baguye mu mpanuka yabereye mu muhanda uva ahitwa Thika werekeza Garissa mu gace ka Ngoliba mu gihugu cya Kenya. Izi mopanuka za hato na hato birakekwa ko zaba ziterwa n’amashitani ari muri iyo mihanda nkuko ikinyamakuru TUKO dukesha iyi nkuru cyabyanditse.

Learn how to Thrive

Igipolisi cya Kenya kiratangaza ko muri aba bantu bapfuye 13 bahise bapfira ahi impanuka yabereye mu gihe abandi 4 bo bapofiriye mu nzira bajyanywe ku bitaro.

Imodoka yarimo abagenzi 14 yavaga mu mujyi wa Nairobi yerekeza ahitwa Kitui yagonganye n’ikamyo ku buryo bukomeye byatumye 10 bahasiga ubuzima. Ibi byabaye nyuma y’amasaha makeya indi mpanuka ibereye mu muhanda uva Nakuru werekeza ahitwa Eldoret aho abagera ku 10 basize ubuzima.

Izi mpanuka za hato na hato zikunze kwibasirwa imihanda yo mu duce tw’ubucuruzi twa Thika na Garissa ndetse na Ngoliba biravugwa ko bishoboka kuba ari amashitani ari muri iyo mihanda ahora ateza impanuka.

Umuvugizi w’igipolisi mu gace ka Thika, Michael Lemaiyan yemeje aya makuru avuga ko imodoka yari ifite plaque KCG 851L yagonganye n’ikamyo nayo yari ifite plaque KAR 343S mu gihe iyi modoka yavaga I Nairobi yerekeza Kitui, yashakaga gutambuka ku ikamyo bigatuma abagera kuri 17 bose bahasiga ubuzima.

PNG - 851.3 kb
Iyi modoka yangiritse ku buryo bukomeye byatumye 17 bahasiga ubuzima


Umwe mu babonye iyi mpanuka ubwo yabaga ku munsi wa 6 witwa, Lemaiyan yavuze ko umushoferi yagerageje gukora ibishoboka byose ngo ahagarike iyi modoka ariko ntibimuhire.
Umushoferi wari utwaye ikamyo yahise atabarwa n’abahageze mbere ubwo iyi mpanuka yabaga banazimya umuriro wari wafashe iyi kamyo ariko kubw’amahirwe make nawe aza kwitaba Imana ubwo yajyanwaga kwa muganga.

Abandi bagenzi bakomerekeye muri iyi mpanuka, bakomeje kwitabwaho mu bitaro bibarizwa mu gace ka Thika.

Amakuru atangazwa na TUKO aravuga ko abantu bagera kuri 150 bamaze guhitanwa n’impanuka zo mu mihanda mu gihe cy’ibyumweru bikeya bishize by’uku kwezi kwa 12.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo
marth Kuya 26-12-2017

Ibyateye iyi si bizatwica