Kenya : Afite ubwiza budasanzwe nyuma yuko yari yarazonzwe n’umubyibuho ukabije (Amafoto)

Keroche Breweries Anerlisa Mungai ni umukobwa uzwiho gutunga agatubutse mu gihugu cya Kenya akaba yari yarazonzwe n’umubyibuho ukabije aho yapimaga ibiro bisaga 124 kuri ubu akaba afite 66 gusa nyuma y’imyaka 2 yose akora imyitozo ngororamubiri abifashijwwemo n’abaganga b’inzobere.

Muri iki gihe usanga abantu benshi ku isi bahanganye n’iki kibazo cy’umubyibuho ukabije cyane ko unasanga binabaviramo gufatwa n’izindi ndwara zirimo nk’indwara z’umutima, Diabete, umuvuduko w’amaraso zidasiba kwibasira abantu uko bukeye nuko bwije muri iyi si ya none.

Anerlisa Mungai na we mu myaka 2 ishize yari yarazonzwe n’iki kibazo cy’umubyibuho ukabije gusa kuri ubu arabyinira ku rukoma nyuma yuko amaze imyaka 2 yose ku myitozo ngororamubiri yanamufashije bikomeye kuko byatumye ava ku biro 124 yari afite kuri ubu akaba asigaranye 66 gusa.

PNG - 782.5 ko
Iyi ni ifoto igaragaza Keroche Breweries Anerlisa Mungai uko yanganaga mbere agifite ibiro 124 n’iy’ubu afite 66


Ku rukuta rwe rwa Instagram yagize ati “nari narazonzwe n’umubyibuho ukabije gusa nyuma y’iyi myaka ibiri nkora imyitozo ngororamubiri neza nkuko abaganga babinsabaga ni byo byatumye mva ku biro 124 ngera kuri 66. Nta rindi banga ridasanzwe nakoresheje rirenze ku myitozo nasabwaga gusa ndishimye kuko nahiriwe bikangendekera uko nifuzaga”.

Iki kibazo ngo cyatumaga atishimirwa cyane n’umukunzi we bagahora bapfa ubusa ngo gusa kuri ubu bameze neza nta kibazo na kimwe bafitanye ngo ahubwo bari kwishimana nyuma yo kugaruka kuri taille.

PNG - 740.7 ko
Keroche Breweries Anerlisa Mungai n’umukunzi we bishimye cyane


Kuri ubu nyuma yo gusubira kuri taille Keroche Breweries Anerlisa Mungai nta gushidikanya ko ubu asigaye ari mu bakobwa beza mu gihugu cya Kenya cyane ko anazwiho gutunga agatubutse aho bamwita “umukobwa w’umumiliyoneri”, gusa burya nkuko abantu bakunze kubivuga nyine hari ibyo amafaranga atagura.

Aya ni amafoto atandukanye ya Keroche Breweries Anerlisa Mungai nyuma yo gutandukana n’umubyibuho ukabije wari waramuzonze kuri ubu afatanyije n’umukunzi we bakaba bari kubyinira ku rukoma.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo