Imijyi 11 ku isi ifite impungenge zo kubura amazi yo kunywa nka Cape Town muri Afurika y’Epfo

Umujyi wa Cape Town uzwiho kuba ari uwa mbere mu mijyi ikomeye muri iki gihe idafite amazi meza yanyobwa. Uyu mwuma urangwa muri uyu mujyi wa Afurika y’Epfo ni rumwe mu ngero abahanga bakomeje gutunga agatoki rw’ubuke bw’amazi. N’ubwo amazi agize igice kingana na 70% by’ubuso bw’isi yose, amazi, ariko cyane cyane amazi meza, ntabwo ahagije ku buryo abantu babyibaza.

Kimwe cya kane cy’imijyi ikomeye ku isi ifite inkeke ziterwa n’ikibazo cy’amazi. Abarirwa ku rugero rwa 3% gusa ni yo meza.

Abantu basaga maliyari nta bushobozi bafite bwo kubona amazi meza na ho abandi babarirwa muri miliyari 2.7 bakayabura nibura mu gihe kingana n’ukwezi buri mwaka.

Ubushakashatsi bwakozwe mu mijyi 500 minini bwashyizwe ahagaragara muri 2014 buvuga ko umujyi umwe muri ine muri yo ufite impungenge z’amazi nk’uko bigaragazwa n’umuryango w’Abibumbye -aho urugero rw’amazi akenewe kuri buri muntu umwe rwageze munsi ya metero kibe (m3) 1,700.

Iki cyegeranyo cy’impuguke za LONI kivuga ko urugero rw’amazi meza akenewe ruzasumba ubushobozi bwo kuyatanga ku kigero cya 40% mu mwaka wa 2030 bivuye ku ruhurirane rw’ihindagurika ry’ikirere, ibikorwa bya muntu ndetse n’ubwiyongere bw’abaturage.

Nticyaba ari igitangaza rero ko Cape Town yaba rumwe muri izo ngero.
Kuri buri mugabane ,uduce dukomeye two mu mijyi duhora dusiganwa n’igihe dushakisha ibisubizo.

Dore imijyi 11 ifite ibyago byinshi byo guhura n’ubucye bw’amazi nk’uko bizagendekera Cape Town.

PNG - 604.2 ko
Kubera ubutayu, ikigega cya Sao Paulo cyarakamye kiba ubutaka bwumye

São Paulo

Ni umurwa w’ubukungu wa Brasil ukaba n’umwe mu mijyi 10 ituwe cyane ku isi ( ifite abaturage basaga miliyoni 21.7) mu mwaka wa 2015 Sao Polo yahuye n’ibibazo nk’ibya Cape Town aho ikigega gikuru cy’amazi cyamanutse kikagera munsi ya 4% by’ubushobozi bwacyo.

Ubwo ikibazo cyari gikomeye ,umujyi wasigaranye ubushobozi bwo gutanga amazi bungana n’iminsi itagera kuri 20, icyo gihe igipolisi kikaba cyaragombye guherekeza amakamyo atwaye amazi kugira ngo atagabwaho ibitero.

Uruzuba rwibasiye uburasirazuba bwa Bresil hagati ya 2014 na 2017 ni rwo rutungwa agatoki nka nyirabayazana.

Ariko ibiro by’umuryango w’abibimbye I Sao Polo byo bikaba byarananenze icyo bwise "iteganyamigambi rikozwe nabi ry’ubutegetsi ndetse no kudashora imari mu bikorwa by’amazi".

Ikibazo cy’amazi cyabaye nk’ikirangiye mu mwaka wa 2016, ariko nyuma y’umwaka umwe gusa, urugero rw’amazi rwari rwitezwe mu bigega rwari rwagabanutseho 15% -rwongera gutera icyoba cy’ubuke bw’amazi mu mujyi mu bihe biri imbere.

PNG - 725.6 ko
Ihumana ry’ibiyga bya Bangalore riteye ikibazo gikomeye

Bangalore

Abategetsi bo muri uyu mujyi w’U Buhindi batunguwe n’ubwiyongere bw’inyubako nshya nyuma y’aho Bangalore ihindukiye igicumbi w’ikoranabuhanga bakaba bahanganye n’ikibazo cy’amazi mu mujyi ndetse n’ibikorwa by’isuku.

Ikirushaho kuzambya ibibazo ni uko inzira impombo z’amazi za cyera zikeneye kuvugururwa ku buryo bwihutirwa.

Icyegeranyo cyakozwe na Leta kerekana ko umujyi utakaza igice kirenga 50% by’amazi wagombaga gukoresha kubera imiyoboro ishaje.

Kimwe n’U Bushinwa, U Buhindi nabwo buhanganye n’ikibazo cy’amazi ahumanye kandi no mu mujyi wa Bangalore ni uko.

Ibarura ryakozwe ku biyaga byo muri uyu mujyi byerekanye ko ibigera kuri 85% bite amazi yagombye gukoreshwa gusa mu kuhira imyaka cyangwa se gukoreshwa mu nganda ngo nta kiyaga na kimwe basanze gifite amazi akwiriye kunyobwa cyangwa kwiyuhagirwa.

PNG - 828.1 ko
Ubutayu bwateye ingorane zikomeye ku nzira y’amazi i Beijing

Beijing

Banki y’Isi ivuga ubuke bw’amazi ,iyo mu gace runaka umuntu abona amazi ari munsi ya m3 1.000.

Mu mwaka wa 2014, buri munyu muri miliyoni 20 zisaga zituye Beinjing bagerwagaho n’amazi ku rugero rwa m3 145 gusa .

U Bushinwa butuwe na 20% by’abaturage b’isi yose, 7% byabo ni bo bonyine abafite amazi meza.

Ubushakashatsi bwakozwe na Kaminuza ya Columbia bwagaragaje ko ubushobozi bw’igihugu bw’amazi bwagabanutseho 13% hagati y’umwaka wa 2000 na 2009.

Hari n’ikibazo cy’amazi ahumanye : imibare yatanzwe n’ubutegetsi mu mwaka wa 2015 yerekanye ko 40% by’amazi yo mu mujyi wa Beijing ahumanye ku buryo adashobora no gukoreshwa mu bikorwa by’ubuhinzi cyangwa se mu nganda.

Abategetsi b’U Bushinwa bagerageje gukemura iki kibazo batangiza imishinga migari yo gusukura amazi n’izo kwigisha ndetse n’ibiciro bihanitse by’amazi ku bakoresha amazi menshi mu bikorwa by’ubucuruzi.

PNG - 723 ko
Uruzi rwa Nili ruha Misiri 97% by’amazi yose ikoresha

Cairo

Uruzi rwa Nile rufatiye runini igihugu cya Misiri kizwi cyane mu mateka y’iterambere ry’abatuye isi nworohewe muri ibi bihe tugezemo.

Ni rwo soko y’amazi angana na 97% iki gihugu gikoresha ariko ni naho haruhukira amazi mabi ndetse n’umwanda uturuka mu ngo.

Imibare y’Ishami ry’Umuryango w’Abibumbye ryita ku buzima, OMS, igaragaza ko iri mu bihugu bya mbere bifite imibare myinshi y’abantu bicwa n’indwara zifitanye isano n’amazi ahumanye mu bihugu bitaratera imbere cyane.

PNG - 748.6 ko
Kubaka n’isakara ritemewe n’amategeko bituma Indoneziya ifite akaga ko kwibasirwa n’imyuzure

Jakarta

Kimwe n’indi mijyi ituriye inyanja ,umurwa mukuru wa Indoneziya uhanganye n’impungenge z’ukwiyongera kw’ubutumburuke bw’amazi y’inyanja .

Gusa mu mujyi wa Jakarta ho ikibazo cyajambijwe ku buryo butaziguye n’ibikorwa bya muntu : Kubera ko abatagera kuri kimwe cya kabiri cya miliyoni 10 zituye uyu mujyi ari bo bafite amazi mu ngo, abenshi bishora mu bikorwa byo gucukura amariba ku buryo butemewe bakangiza uburyo gakondo bwo kurinda amazi.

Ingaruka z’ibi ni uko umujyi wa Jakarta umaze kumanuho 40% ugerera nije n’urugero rw’inyanja nk’uko bivugwa ba Banki y’Isi.

Ibintu birushaho kuba bibi kuko uburyo gakondo bwo kurinda amazi buddashobora gusubirana nubwo hagwa imvura nyinshi kuko ubutaka buba butagififite ubushobozi bwo kunyunyuza amazi.

PNG - 869.8 ko
Moscow n’u Burusiya muri rusange byugarijwe n’ibibazo by’ihumana ry’amazi

Moscow

Kimwe cya kane cy’amazi meza isi itunze abarizwa mu Burusiya, ariko iki gihugu gihanganye n’ibibazo by’ihumana ry’ikirere rikoka ku nganda zasizwe n’ibihe by’abasoviyeti.

Ikibazo giteye ubwoba ku mujyi wa Moscow aho 70% by’amazi atangwa bikomoka ku mazi atemba .

Inzego zigenzura ubuziranenge zivuga ko hagati ya 35% na 60% by’amazi anyobwa mu Burusiya atubahirije ibipimo by’ubuziranenge.

PNG - 842.1 ko
Ubutayu bwamaze amezi 10 bwakamishije iki kiyaga hafi ya Istanbul

Istanbul

Imibare itangwa n,abategetsi b’U Burusiya igaragaza iko igihugu cyose gihangayikishijwe vbikomeye n’ikibazo cy’amazi kuva aho urugero rw ;amazi kuri buri muntu rugereye ku kigero kiri hasi ya m3 1.700 mu mwaka wa2016.

Impuguke zivuga ko ubuke bw’amazi bushobora kuba bubi cyane mu mwaka wa2030.
Mu myaka ishize imijyi ituwe cyane nka Istanbul (ituwe n’abantu miliyoni 14) yaranzwe n’ibibazo by’ubuke bw’amazi mu gihe cy’amezi y’uruzuba.

Mu ntangiro z’umwaka wa 2014, ubushobozi bw’ibigega by’amazi bwaramanutse bugera ku kigero kiri munsi ya 30%.

PNG - 814.5 ko
Ibira rya robine z’amazi mu mujyi wa Mexico City ni ikintu kimenyerewe cyane


Mexico City

Ibura ry’amazi si ikintu gishya ku baturage benshi muri miliyoni 21 y’abatuye umujyi wa Mexico. Umuturage umwe kuri batanu abona amazi yo mu nzu rimwe mu cyumweru, naho 20/100 babona amazi igice cy’umunsi.

Uwo mujyi ukura kugeza kuri 40/100 by’amazi yawo mu bindi bice biri kure, ariko ntufite ibikorwa byagutse byo kongera gutunganya amazi yakoreshejwe. Naho igihombo giterwa n’ibibazo by’imiyoboro y’amazi kirabarirwa kuri 40/100.

PNG - 690.4 ko
London ifite urugero rwa 25% mu kwangiza amazi

London

Mu mijyi yose yo ku isi, umurwa mukuru w’Ubwongerez, London, si wo waza ku mwanya wa mbere mu kugira impungenge ku ibura ry’amazi.

Ukuri kuratandukanye : Ikigereranyo cy’imvura igwa kiri hafi milimetero 600 (ni ukuvuga ko kiri hasi y’icya Paris, ndetse gikabakaba gusa icya kabiri cy’ikigereranyo cy’imvura ya New York), ibi bituma 80/100 by’amazi akoreshwa i London aturuka mu migezi.

Nkuko bitangazwa n’ubuyobozi bw’umujyi wa London, ngo uwo mujyi uhangana no kubona amazi ahagije, kandi ushobora kuzagira ibibazo by’amazi mu 2025, ndetse n’ibura ryayo rikabije mu 2040.

Birashobora rero ko mu gihe kizaza gukoresha amatiyo asohora umwotsi ku modoka byazakomeza kwamaganwa i London.

PNG - 550.8 ko
Imwe mu nyubako ya The Ryogoku Kokugikan ahatunganyirizwa amazi avuye ku mvura

Tokyo

Umurwa mukuru w’Ubuyapani ugira igipimo cy’imvura kingana n’icya Seattle, Abanyamerika bakunze kwita "umujyi w’imvura".

Cyakora, imvura nyinshi iboneka cyane gusa mu gihe cy’amezi ane mu mwaka. Ayo mazi, agomba gukusanywa akabikwa kuko igihe cy’impeshyi gishobora gutera uruzuba.

Ibi rero abayobozi b’uwo mujyi barabikoze : Nibura inyubako 750 zirimo iza Leta n’izabantu ku giti cyabo i Tokyo zifite uburyo bwo gukusanya no gukoresha amazi y’imvura.

Tokyo ituyemo abantu bagera kuri miliyoni mirongo itatu, 70/100 by’amazi ikoresha akomoka hejuru y’ubutaka ( Amariba, inzuzi, ndetse n’urubura rwashonze).
Ibikorwa biherutse byo gushyiraho imiyoboro mishya nabyo bigamije kugabanyaho 3/100 gusa y’amazi apfa ubusa mu gihe kizaza.

PNG - 289.3 ko
Ubwandu bw’amazi y’inyanja buhangayikishije servisi z’amazi mu mujyi wa Miami

Miami

Leta ya Florida yo muri Leta zunze Ubumwe za Amerika ni imwe muri eshanu zibamo imvura nyinshi cyane ku mwaka. Nyamara, ariwo mujyi uzwi cyane muri iyo Leta urugarijwe.

Umushinga wakozwe mu kinyejana cya 20 wo gukamura ibishanga biri hafi yaho, wateye ingaruka zitari zitezwe aho amazi aturuka mu nyanja ya Atlantic yanduje isoko y’amazi ya Biscayne, ari nayo soko nini itanga amazi meza.

Nubwo ikibazo cyavumbuwe kera mu myaka ya 1930, amazi y’inyanja aracyisukamo ahanini kubera ko igipimo cy’amazi y’inyanja cyiyongereye byihuse muri uwo mujyi bituma yangiza imipaka yari yarashizwe mu butaka muri iyi myaka ishize.

Imijyi bituranye nayo yamaze kugerwaho n’ikibazo. I Hallandale Beach, ku birometero bike uvuye Miami byabaye ngombwa ko ifunga atandatu mu masoko yayo kubera ko amazi y’umwanda yajyagamo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo