Imibonano ikozwe neza ishobora kongerera umuntu iminsi yo kubaho kuva ku myaka 5 - 7

Mu bushakashatsi bwakozwe na Dr David Weeks bwagaragaje ko imibonano ikozwe neza hagati y’abashakanye itera ubuzima bwiza ariko bikaba akarusho cyane cyane ku bantu bakuze bityo bikaba kandi bishobora kongerera umuntu iminsi yo kubaho kuva ku myaka 5 – 7.

Uyu mushakashatsi David wahoze ayoboye ivuriro rya Royal Edinburgh ryo mu gihugu cya Scotland mu bijyanye n’ubumenyamuntu, yatangaje inyungu cyangwa se ibyiza by’imibonano mpuzabitsina cyane cyane ku bantu bashakanye.
Uyu mushakashatsi yagaragaje uburyo guhuza ibitsina mu buryo bukozwe neza habayeho ubwumvikane no gutegurana ko bishobora kongera igihecy’uburambe byibura hagati y’imyaka 5-7. Ibi rero ngo nta kindi kibitera uretse kuba imibonano ikozwe neza kandi ikorewe igihe ituma ubwonko buruhuka, amaraso agatembera neza ari nabyo byifuzo by’umutima, bitewe n’uko imitsi iba yirekuye hanyuma n’uruhu rukabasha kwirekura.
Ibi rero ngo byavuye mu bushakashatsi yakoze nyuma yo kubona ko ibi byose bitera umubiri w’umuntu kugubwa neza. Imibonano kandi ngo iyo ikozwe hakabaho kunyurwa ku mpande zombi ngo bishobora gutuma umubiri w’ababikoze uhora itoshye ku buryo batinda kugaragaza ubusaza.
Ibi rero birumvikanisha ko gukora imibonano ku buryo buhagije ari ikintu cy’ingenzi mu buzima kuko ngo iyo hagaragaye utanyuzwe mu bayikoranye bishobora kumusigira umunaniro udasanzwe haba mu mubiri, mu bwonko bityo akaba yahorana umushiha cyangwa uburakari budashira. Bitewe nuko imibonano ikozwe neza itera ibyishimo mu muryango hagati y’abashakanye ngo n’abasaza bashobora kugaragara nk’abakiri bato kuko nta munkanyari ubagaragaraho.

Alice UMWALI/Umubavu.com



Tanga igitekerezo kuri iyi nkuru



Igitekerezo
divine iranzi Kuya 24-10-2017

Jewe nshaka kumenya vyinshi ukuntu bategurana bikwiye barimuruyomwanya.murakoze

divine iranzi Kuya 24-10-2017

Jewe nshaka kumenya vyinshi ukuntu bategurana bikwiye barimuruyomwanya.murakoze