Ibikinisho by’abana byakoreshejwe bishobora gushyira ubuzima bwabo mu kaga

Ibikinisho by’abana bikozwe muri kawucu cyane cyane ibyakoze kenshi ngo bishobora kubangamira ubuzima bw’abana babikoresha, mu gihe byaba bitasuzumwe mbere yuko bitangwa nkuko ubushakashatsi bwabigaragajei.

Learn how to Thrive

Abahanga basuzumye ibikinisho bigera kuri 200 byakoze, basanze mu bigo birererwamo abana, amangazini agurisha ibintu byakoze ndetse no mu mazu y’abantu mu majyepfo ashyira uburengerazuba bw’igihugu cy’u Bwongereza, babisangako ubumara bushobora kubangamira ubuzima bw’abana.

Ibikinisho bisaga 200 byose byasuzumwe byarimo ubwo bumara.

Dr Andrew Turner wo muri Kaminuza ya Plymouth, avuga ko ibikinisho byo muri iki gihe usanga bidasuzumwa bityo abantu bagapfa kubitanga uko bishakiye.

Dr Turner n’itsinda rye bakoresheje "Rayons-X" kugira ngo basuzume ibyo bikinisho byari bigizwe n’imodoka, indege, imibare ndetse n’ibikinisho bigenda bifatanywa hagamijwe gukuramo ishusho.

Avuga ko babisanzemo ubumara bwa Antimoine, barium, bromine, cadmium, chrome, plomb na selenium.

Ubwo bumara ngo bushobora kubangamira ubuzima bw’abana iyo babikinishije igihe kirekire.

Mu gihe abo bana ngo baba bashyize ibyo bikinisho mu kanwa, ngo bashobora kwandura ubumara bwinshi.

PNG - 857.7 kb
Abahanga basuzumye ibikinisho 200 byakoreshejwe mu Majyepfo ashyira uburengerazuba bw’u Bwongereza

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo