Guhembwa umushahara w’intica ntikize byatumye umugabo asiga urugo rwe ajya kwibera munsi y’ibuye

Muri iki gihe isi igenda itera imbere mu nzego zose z’ubuzima bwa muntu, abantu ntibahwema kuvuga ko ubuzima bugenda burushaho guhenda ndetse bunagorana uko bukeye nuko bwije cyane cyane mu bice by’imijyi bituma benshi bibaza mu bihe biri imbere aho bazerekeza mu gihe ibintu byakomeza gutya.

Ibi bituma hari abahitamo kwisubirira mu byaro ngo barebe ko ubuzima bwaborohera kimwe nuko hari n’abiyemeza guhangana nabwo bakaryama hanze ariko ntibave mu mijyi dore ko akenshi usanga bamwe imirimo bakora itababeshaho ngo bihaze mu byo bakeneye mu buzima bwabo bwa buri munsi nkuko uyu mugabo wo muri Afurika y’Epfo byamugendekeye.

Umugabo witwa Mayenzeke Shiyani w’imyaka igera 45 wo mu gihugu cya Afurika y’Epfo, akomeje gutangaza abantu aho abatari bake bakomeje gukururwa no kuza kureba ahantu atuye dore ko amaze igihe yirarira munsi y’ibuye no mu myobo itandukanye, ibintu bikomeje gutangaza abantu batiyumvisha uburyo uyu mugabo yahunze urugo rwe agahitimo kujya arara ku umuhanda nubwo avuga ko yabitewe no kubura ubwishyu bw’aho kuba.

Gusa Mayenzeke Shiyani, yirengagije abo yasize mu muryango we, harimo na nyina umubyara ndetse n’abakobwa be babiri, ngo iyabyutse atangira guhiga icyatuma aramuka. Mubijya bimutunga kandi ngo akumva umubiriwe umerewe neza harimo ikizwi nka Jungle Oat ikize kuri vitamine B1, igikoma (Morvite), n’ibindi binyampeke(weetbix), bimufasha mu kubungabunga ubuzima bwe.

Uyu mugabo nubwo aba muri uyu mwobo, ngo ajya afata umwanya akumva Radiyo, dore ko ari kimwe mu bimufasha cyane.

Yagize ati ’’ Hagati ya saa 2 z’igicamunsi kugera Saa 6 z’umugoroba, njya kuvoma amazi yo gusukura indaro yanjye (aho aryamama).’’

Umuyobozi w’igipolisi mu mujyi wa Johannesburg, Captain Xoli Mbele, avugako hari abantu benshi barara ahegereye Sitasiyo akorera, gusa ngo uyu mugabo ntakunda kubonwa n’abantu benshi bitewe n’ahantu aba, dore hihishe cyane keretse usanze ari kumva radiyo cyangwa ari gusukura aho aryama.

Abamuzi neza bavuka ko impamvu nyamukuru yamuteye kuba yiryamira munsi y’ibuye aruko inzu zo muri uyu mujyi wa Afurika y’Epfo zihenze ugereranyije n’umushahara ahembwa.

PNG - 1001.5 kb
Uyu ni Mayenzeke Shiyani w’ imyaka 45 wahisemo gusiga umuryango we akajya kwibera munsi y’ibuye kubera ko inzu zihenze agereranyije n’umushahara ahembwa

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo