Ese wari uzi ko hari abantu batumva ububabare ku ruhu rwabo ?

Abashakashatsi bo muri Kaminuza yo mu Bwongereza Ishami rikorera mu mugi wa London (London College) bagaragaje ko hari abantu usanga bashobora gukomeretswa n’ibintu bitandukanye ku mibiri yabo ariko nyamara ntibumve ububabare. Letizia Marsili w’imyaka 52 yamenye ko atandukanye n’abandi bantu ubwa mbere ubwo yari akiri muto.

Letizia Marsili ntiyumva ububabare byihuse, bigasobanura ko atanumva ko arimo gushya cyangwa kumenya ko yavunitse igufwa mu mubiri we.

Abo mu muryango wa Letizia Marsili bagera kuri batanu na bo ni ko bari bameze aho batumvaga ububabare.

Letizia aganira na BBC dukesha iyi nkuru yagize ati "umunsi ku munsi tubaho mu buzima busanzwe ariko nkeka ko by’umwihariko mbere bwari bwiza kurusha abandi, kubera ko twamaraga iminsi myinshi turwaye ndetse ntitwumve ububabare ku mibiri yacu. Ububabare n’iyo twabwumvaga bwamaraga amasegonda makeya cyane."

Abahanga bavuga ko ibi biterwa n’uko udutsi nsozabwenge tudakora neza mu mubiri.
Abashakashatsi bapimye uwo muryango biteze ubushakashatsi bwabo buzafasha abantu bagira ububabare burenze urugero mu minsi iri imbere.

Umwe muri aba bashakashatsi, Prof Anna Maria Aloisi wo kuri Kaminuza ya Siena mu Butaliyani yagize bati "Twafunguye inzira nshya mu gushaka imiti y’ububabare".

PNG - 791 ko
Letizia Marsili afite abo mu muryango we 5 nabo batumva ububabare

Kubera iki aba bantu bumva ububabare ku mibiri yabo gake cyane ?

Uyoboye aba bashakashatsi, Dr James Cox wo muri kaminuza ya College London, yavuze ko ibi biterwa n’uko ko uwo muryango ufite udutsi nsozabwenge tudakora neza".

Dr James Cox yagize ati "Turimo turagerageza gukora ubshakashatsi ngo tumenye igituma aba bantu batumva ububabare ku mibiri yabo, tunareba niba ibi byadufasha gushakira umuti mushya ikibazo cy’ububabare ku mubiri."
Ubushakashatsi bw’aba bahanga buri mu kinyamakuru cya Brain, bwafashije uyu murango mu gushaka kumenya uko umubiri wabo umeze.

Marsili sydrome, indwara yiswe izina ry’uwo muryago, bisobanura ko umuntu yumva ububabare bw’umuriro gakeya cyane, kuribwa n’urusenda (pilipili), ndetse no kutumva ububabare mu gihe amagufwa yabo avunitse bitandukanye n’abandi bantu.


Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo