Burundi : Abana bashyinguwe ibice byo hasi by’imibiri yabo ari bazima

Igipolisi cyo mu Burundi gikomeje guhiga bukware umuntu wakoze ibara ryo gushyingura abana babiri ari bazima nyuma yo kubakubita ku buryo bukomeye abaziza ko bamwibye ibigori.

Ibyakorewe abo bana mu mpera z’icyumweru gishize aho bashyinguwe igice cyabo cyo hasi mu gihe icyo hejuru bigaragara ko ari bazima inkuru yaje kumenyekana ari uko amafoto yabo akomeje guhererekanywa ku mbuga nkoranyambaga.

PNG - 700.7 ko
Aba bana babiri bashyinguwe ibice byabo byo hepfo ari bazima


Ibi byabereye ku musozi wa Nyamabere muri Komini Mpanda y’Intara ya Bubanza.
Aba bana bashyinguwe ari bazima kandi babona bikavugwa ko bazize umurima w’ibigori bari bigabije babyiba nkuko BBC dukesha iyi nkuru ibitangaza.

Abo bana batabawe n’abaturanyi bageze aho uyu muntu ukomeje gushakishwa na Polisi yakubitiraga aba bana nyuma wahise ahunga kugeza ubu akaba atarafatwa.
Si ubwa mbere mu Burundi abana bahohotewe bene aka kageni bazira kwiba ibigori mu mirima y’abaturage.

Hari abandi bana babiri b’abahungu baciwe ibiganza by’ibumoso babikorewe n’abandi bana bari mu kigero kimwe nabo bazira kwiba ibigori.

Abakoze icyo cyaha bahawe igihano kiri hagati y’imyaka ine na 20 ndetse banacibwa ihazabu ya Miriyoni enye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo