Bresil : Umwana w’imyaka 12 y’amavuko afite agahigo ko kuba ari we muremure ku Isi

Gabriel Gomes w’imyaka 12 gusa y’amavuko ukomoka muri Amerika y’Amagepfo mu gihugu cya Bresil mu mugi wa Brasilia, kuri ubu ni umwana ufite agahigo ko kuba ari we muntu muremure ku isi aho afite metero 2.3, ibi ngo akaba abikomora ku kuba hari ikibazo cy’uburwayi afite mu bwonko gituma n’ubu agikomeza kuba muremure birushijeho ngo gusa abaganga bakaba baramubaze mu buryo bwo kureba uko bahagarika gukomeza kuba muremure.

Uyu mwana w’imyaka 12 gusa ari nabyo byatangaje abantu ngo yabazwe n’abaganga b’abahanga cyane mu by’ubuvuzi bwo mu mutwe mu buryo bwo kureba uko hagabanywa umuvuduko wo gukomeza kuba muremure birushijeho.

PNG - 721.8 ko
Gabriel Gomes w’imyaka 12 wabazwe mu kureba uko hagabanywa umuvuduko wo kwiyongera mu kuba muremure

Gabriel Gomes ngo yatangaje abantu cyane bagendeye ku myaka afite ndetse bakavuga ko ibi bidasanzwe muri Bresil kubona umwana mutoya nk’uyu afite uburebure bukabije. Intandaro y’ibi byosengo ni ikibazo cy’uburwayi afite mu bwonko cyatumye agira ubu burebure butajyanye n’imyaka afite ari nacyo cyatumye abaganga bamubaga mu kureba uko bagabanya gukomeza kuba muremure kwe ngo cyane ko yari agikomeza kuba muremure cyane nkuko aba baganga babitangaza.

Uyu mwana afite amaguru maremare cyane ngo kandi ni muremure birengeje ikigero cy’imyaka afite cyane ko ahagararanye n’abana bari mu myaka ingana bigaragara ko rwose nta mahuriro nabo mu burebure. Abaganga bari babwiye ababyeyi b’uyu mwana ko ari ngombwa kubanza kubagwa (gukorerwa operation) mbere yuko ibice bye by’umubiri bigira ikintu na kimwe bikora.

Ibagwa rya Gabriel Gomes ngo ryagenze neza cyane. Nyuma yo kubagwa, uyu mwana yabwiye itangazamakuru ko rwose yumva ashaka kuba umuntu usanzwe ufite uburebure bugerereye nk’abandi ko bityo uko areshya bimujena bitewe n’imyaka anafite.

PNG - 741 ko
Gabriel Gomes ari kumwe na mushiki we ndetse na nyina


Gabriel Gomes yagize ati “ubu ndahangayitse rwose kubera ukuntu ndeshya kandi ndifuza kumera nk’abandi. Mfite agahinda kenshi cyane, amaguru yange arahangayitsendetse kenshi mbabara umugongo kubera indeshyo yange”.

Uyu mwana yongeyeho ko kuri ubu burebure bwe atajya ku ishuri kubera ipfunwe muri bagenzi be. Iyi ngo yari inshuro ya kabiri abagwa n’abaganga ngo gusa bizeye ko gukomeza kuba muremure k’uyu mwana bizahagarara.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Hategekimana Kuya 23-10-2017

Ibikuri birarira nabarebare bakarira isiwe