Bigabije inyama z’inka yishwe n’inzoka barazirya none ubuzima bwabo buri mu kaga

Nyuma yo kwigabiza inyama z’inka yishwe n’inzoka bakazirya, abantu barenga 50 bajyanywe mu bitaro bitandukanye aho bamerewe nabi bikomeye n’ubuzima, ibi byago byabereye mu cyaro cya Mpoza mu nkengero za Tsolo mu gihugu cya Afurika y’Epfo.

Umuvugizi w’ishami rishinzwe ubuzima ku rwego rw’Intara, Sizwe Kupelo yavuze ko isuzuma ryakozwe ryagaragaje ko aba barwayi bariye inyama z’inyamaswa yipfushije nyuma yo kwicwa n’inzoka.

PNG - 796.6 ko
Iri tungo ryishwe n’inzoka abaturage bigabiza kurirya ari byo byabaviriyemo ingorane


Yakomeje avuga ko abo barwayi barembejwe n’impiswi, kuruka, kubabara umutwe ndetse bakaribwa no mu gifu. Nkuko byemejwe n’ikinyamakuru News24.com, mu barwayi bahuye n’iyo mpanuka yo kuzira iryo tungo barwariye mu bitaro bose harimo abana 16, ariko 8 babajyanye mu bitaro byitiriwe Nelson Mandela (Nelson Mandela Academic Hospital) abandi barimo kuvurirwa mu bitaro by’Akarere ka Mthatha.

PNG - 853.2 ko
Bamwe mu barwayi bari kuvurirwa muri Nelson Mandela Academic Hospital


Kupelo yavuze ko abarwayi bakuze bane (4) bo babohereje ku bitaro bya Kaminuza byitirwe Mandela (L’hôpital Universitaire Nelson Mandela) kugira ngo bitabweho bikomeye.

M.Kupero yakomeje avuga ko Minisiteri y’Ubuzima yasabye abaturage kwirinda kujya barya inyama z’inyamaswa yapfuye kuko bitera ibyago bikomeye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Colorado Kuya 7-02-2018

Ubu se igihugu byabereyemo ni ikihe ? ryari ? iyi nkuru ntabwo yuzuye .