Bangladeshi : Umukecuru w’imyaka 65 y’amavuko yibarutse abana 4 bose

Ntibisanzwe kumva ngo umubyeyi w’imyaka 65 yibarutse umwana ariko Annegret Raunigk ushesha akanguhe ku myaka ye 65 ukomoka mu gihugu cya Banglaseshi yibarutse abana bane bose nyuma yo gutwita iyi nda ngo nyamara abaturanyi be bavugaga ko ari amarozi kubera ikigero yari arimo.

Ibi byatangajwe na nyir’ubwite nyuma y’aho yibarutse aba bana ku myaka ye 65 kandi aba bana bakaba bariyongeraga ku bandi 13 yari asanzwe afite. Ibi bintu byafashwe nk’amateka akomeye cyane kuko ari ikintu kidakunze kubaho. Nyuma yo kwibaruka aba bana, Annegret Raunigk yagowe n’ubuzima cyane ngo gusa aba bana bavuye kwa muganga nta kibazo na kimwe cy’ubuzima bafite.

PNG - 927.2 ko
Dore aba bana uko ari bane babyawe n’uyu mukecuru

Nyuma y’aho uyu mukecuru abyariye, abaganga ngo bari bafite ikibazo cyo kubungabunga ubuzima bw’aba bana ariko kubw’amahirwe ubuzima bwabo bukomeza kuba bwiza kugeza bavuye mu bitaro. Ikindi ngo nubwo aba bana bari bafite ubuzima bwiza ngo bari bavutse batagejeje igihe ibyanatumye babashyira mu mapamba mu gihe kingana n’icyumweru cyose.

Aba baganga ngo babonaga ubuzima bw’aba bana butameze neza ndetse bo bakanemeza ko batazabaho ngo nyamara nab o batunguwe no kubona ntacyo babaye. Nyuma y’uko Raunigk yibarutse abana 4 yahise agira abana 17, umukuru muri bo akaba afite imyaka 46.

PNG - 883.8 ko
Annegret Raunigk wibarutse abana 4 ku myaka 65

Yagize ati “ nkunda abana cyane kuko bintera ibyishimo iyo mbareba nubwo ndi kugenda nkura nerekeza mu za bukuru, nishimiye kubona abandi bana mu buryo navuga ko ari igitangaza gikomeye”.

Mbere yuko uyu mukecuru yibaruka ngo abaturanyi be bamubonaga atwite ntibabifataga nko gutwita nyirizina ahubwo bavugaga ko yarozwe bagendeye ko babonaga ku myaka afite ari ibintu bidashoboka.

Annegret Raunigk yibarutse aba bana mu gihe umwana we muto wumukobwa w’imyaka 10 yahoraga amubwira ko akeneye utwana tungana na we bakina.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo