Bamenyaniye kuri Twitter none bamaranye imyaka 4 bambikanye impeta (Amafoto)

Nkuko amafoto y’ubukwe bw’uyu mugore n’umugabo we bo muri Nigeria yasakaye ku mbuga nkoranyambaga, Dandy Locks (izina umugabo yakoreshaga kuri Twitter) avuga ko mu myaka 4 amaranye n’umukunzi we bahuriye kuri Twitter batigeze babana nabi ko kandi n’ubu nta kibazo bafite ko ahubwo ari umunezero gusa bahorana.

Bamwe bati “imbuga nkoranyambaga ni mbi” abandi bati “ahubwo ni nziza cyane”. Dandy Locks aratanga ubuhamya avuga uburyo imbuga nkoranyambaga ari ingirakamaro ndetse zaziye igihe kandi zikenewe agendeye ko kuri ubu amaranye imyaka 4 yose n’umukunzi we bahuriye kuri Twitter bagakora ubukwe bw’akataraboneka.

Dandy Locks avuga ko ubwo yatangiraga gukoresha Twitter yabonyeho umwari abona aramwishimiye niko kumwandikira ako kanya nawe atajuyaje aramusubiza ubwo bihera aho bakomeza kuganira kugeza ubwo uyu musore asabye uyu mwari urukundo aza kurumwemerera birakomeza kugeza ubwo bivuyemo kwambikana impeta.

Nyuma yuko Dandy Locks n’umukunzi we bamaze gusezerana kubana akaramata babikesheje Twitter, baje gukora ubukwe bw’igitangaza babukorera mu mugi wa London mu gihugu cy’u Bwongereza.

Dandy Locks n’umukunzi we bashyingiwe mu mwaka wa 2013, kuri ubu bakaba bujuje imyaka 4 yose bibanira. Amafoto y’ubukwe bwabo yasakaye ku mbuga nkoranyambaga zitandukanye agaragaza uburyo byari ibyishimo bikomeye n’umunezero.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Mukeshimana Ange Kuya 14-11-2017

Andika Igitekerezo

yooo,disi byaribyiza, kumenyanira kumbuga sibibi nkuko abantu babivuga