Aratabariza  umugore  we wabazwe n’abaganga ba CHUK bakamusigamo  imyanda

Ku wa Mbere w’Icyumweru gishize nibwo Bazubagira Jecqueline yajyanywe ku bitaro bya Kaminuza ishami rya Kigali(CHUK)yoherejwe n’Ibitaro bya Kibagabaga aho yari agiye kubyara,umugabo we Havugimana Celestin yaje kubwirwa ko umugore we afite abana babiri mu nda kandi ko agomba kubyara abazwe maze arabisinyira.Ngo nyuma yo kubyara ndetse akanazanzamuka mu kinya bari bamuteye ku wa Gatanu w’Icyumweru gishize ngo abaganga baje gufata icyemezo cyo kumusezerera ariko ngo akomeza kuribwa cyane kugeza ubwo kuri uyu wa Mbere tariki 20 Ugushyingo 2017 ibizamini by’umuganga byagaragaje ko abamubyaje hari umwanda bamusize mu nda.

Umugabo we Havugimana Celestin avuga ko Umudamu we bamucishije mu cyuma bareba ikibazo afite ,abwirwa ko hari imyanda yamusigaye mu nda.

Havugimana ashimangira ko iyi myanda umugore we yayisinzwemo n’abamubaze gusa ngo igitangaje ngo kugira ngo iyi myanda ikurwemo yatswe andi mafaranga ya Caution 5000frws kugira ngo akurwemo iyi myanda.

Abarwaje uyu mugore basaba ko iki kibazo cyakemuka vuba kuko bitinze ashobora kuhasiga ubuzima , bavuga ko batibaza uburyo abaganga bamusize imyanda mu nda mu gihe kandi bari barenze umwe,bavuga ko icyo babona nk’agasuzuguro ari ukuntu ikibazo cyagaragaye aho kugira ngo bagikemure mu maguru mashya bakaba bari gusaba amafaranga ya caution.

Umwe ati’’Wababaza ngo mwabitewe ni ki, bakakubwira bati ngo twabonaga umugore yapfuye ngo twatabaraga abana,ese nk’umuganga wize abona ate ko muntu yapfuye atarahera umwuka ?’’

Uyu murwaza akomeza avuga ko abona iki kibazo kidasobanutse ndetse ko ikibateye n’impungenge ari uko uyu mubyeyi ashobora kuhasiga ubuzima kandi yari yabashije kurusimbuka mbere.

Dr Theobald Hategekimana uyobora ibitaro bya CHUK yabwiye Radio/TV1 dukesha iyi nkuru ko atazi ibyayo makuru ndetse ko niba ari ikibazo cy’amafaranga ya caution babuze baza kumureba bakareba uburyo babigenza bitabanje kuba ikindi kibazo ari nako ashimangira ko aya makuru atayazi.

Ngo nyuma yo kuvugana nawe yasabye Radio/TV1 kuza ku bitaro maze bagahabwa amakuru maze ubuyobozi buhuza umunyamakuru na Dr David Ntirushwa wungirije umuyobozi wa Materinite waje kuvuga ko nubwo azi iby’iki kibazo nta makuru yatangaza.

Gusa mu kiganiro cyafashwe mu ibanga hari Madamu Eugenie ukuriye ababyaza muri CHUK ,umugabo w’uyu mugore wasizwemo imyanda, Havugimana yavuze ko atazi aho umugore we aherereye.

Ati’’Kugeza ubungubu impungenge mfite ni uko ntaramenya ni ibiki byari biri munda,ese ni muzima gutyo gusa’’

Uburyo butangaje kandi ngo umunyamakuru wa Radio/TV1 yatangajwe no kumva aba bayobozi muri CHUK bashaka kubuza Havugimana gutanga amakuru y’ibyamubayeho.

Kugeza ejo Saa kumi n’imwe z’umugoroba ngo umunyamakuru yabaga atarahabwa amakuru kuri iki kibazo ndetse ngo iyi nkuru yarinze gutangazwa haba umugabo w’uyu mugore ndetse n’abarwaza be batazi aho aherereye ndetse batazi n’imyanda bivugwa ko yashyizwemo.

Ibi bibaye ari ukuri si ubwa mbere amakosa nk’aya yaba akozwe n’abaganga kandi akenshi uturinda ntoki,imikasi n’ibindi bitambaro nibyo byakunze kuvugwa ko bisigwa na bamwe mu babyaza mu nda y’umubyeyi,abaganga bo basobanura ko ari ukwibeshya mu mwuga.

Gabriel Habineza/Umubavu.com



Tanga igitekerezo kuri iyi nkuru



Igitekerezo
Mugenzi Kuya 21-11-2017

Muge mwitonda gutangaza amakuru ayo ariyo yose mushingiye kubyo abarwayi bababwiye kuko batazi ikiganga. Kandi ntibyemewe gutanza amakuru y umurwayi mu itangazamakuru.

Harerimana theodore Kuya 21-11-2017

Yego Simeon,babwire kabisa rwose bakumva.ubu se nkiyi nkuru ije gufasha iki abanyarwanda itanafite evidence ?
Use critical thinking please before acting.
Ngo imyanda,Hhhhh wakabaye usobanuza abaganga iyo myanda Ari bwoko ki ukabona kutubwira.

komeza simon Kuya 21-11-2017

Ubwose mwumva umuntu wize deontologie medical yatanga amakuru y’umurwayi uko yiboneye ?mujye mujijuka itangazamakuru muri barutwitsi !
Birashoboka kumuntu wakorewe operations ko yagira infection doreko akenshi agera chuk yaciye ahandi.
Itangazamakuru ntimuvura kdi ntimukihutire kuvuga inkuru zo kwa muganga,niba hariyo uwo muhiga muramutunga microphone doreko mutangiye gufata amakuru rwihishwa ahubwo burya mbona muri babi rimwe na rimwe nubwo haraho mukosora,mukomeze muri girinka,ubudehe nahandi ntimugatere umutima mubi muganga mumutoteza.