Afite isura nk’iy’umuzimu nyuma yo gushaka kwihindura ngo ase na Angelina Jolie

Sahar Tabari, umukobwa wo mu gace ka Tehran mu gihugu cya Iran, akomeje gutangaza abantu kubera isura asigaye afite nyuma yo kwibagisha isura n’ibindi bice by’umubiri agamije gusa nk’umukinnyi wa filime wo muri Holywood, Angelina Jolie.

Sahar w’imyaka 22 y’amavuko kuri ubu amaze gutakaza ibiro 40 byose mu gihe gito mu rwego rwo guhindura imisusire maze ngo ase n’umukinnyi wa filime Angelina Jolie. Icyatumye uyu mukobwa akora ibi bitamuguye neza, ni urukundo yari asanzwe akunda uyu mukinnyi nk’uko ikinyamakuru Dailymail cyabyanditse.

Ikintu gikomeje gutangaza abantu si urukundo uyu mukobwa akunda Jolie, ahubwo ni umuhate yashyizeho ngo ahinduke nkawe maze bigatuma ahinduka ukundi ku buryo atangarirwa n’abantu batagira ingano.

Nkuko bigaragara mu mafoto atandukanye uyu mwari yashyize ku mbuga nkoranyambaga, abayabonye bavuga ko asa na Zombi cyangwa n’umuzimu.

PNG - 976.1 ko
Dore isura nyirizina ya Sahar Tabari mbere yuko yibagisha


Aya ni amafoto ya Sahar nyuma yo kwibagisha ngo ase nka Angelina Jolie
Iki ni igihe Isi iri kugenda irangwa n’abantu bakora udushya dutandukanye bafite inyungu zabo bwite ariko ni nako bagenda batungura Isi bitewe n’amateka baba banditse afite aho atandukaniye n’ibyo abantu baba bari basanzwe bamenyereye.

Ikibabaje nuko hari abantu batandukanye bagenda bashaka kwandika amateka no kuvugwa cyane mu itangazamakuru mu bintu bitandukanye nyamara ntibibahire ahubwo bikarangira bakuyemo ingorane zikomeye zishobora no kubambura ubuzima bwabo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo