Abanyamakuru basobanuriwe ibijyanye n’uburenganzira ku mibonano mpuzabitsina

Umushinga HDI ushinzwe iterambere ry’ubuzima, urugaga kandi runarengera uburenganzira bwa mantu, wagiranye inama n’abanyamakuru ku bijyanye n’uburenganzira ku mibonanompuzabitsina n’imyororokere y’abagore n’abana nk’uko amategeko y’uRwanda, akarere, na mpuzamaganga ku burenganzira bwa kiremwa muntu agena.

Iyo nama yamaze umunsi umwe ya ganiriwemo ibiganiro bigamije guteza imbere uburenganzira ku mibonano mpuzabitsina n’imyororokere.
Abanyamakuru bashishikarijwe ko bakwiye kurushaho kwandika inkuru kuri ubwo burenganzira kandi banahuguwe k’uko amategeko agenga SRHR cyangwa ubwo burenganzira ateye ubu.

“Itangazamakuru rifite uruhare mu kumenyekanisha ibikorwa by’inkunga ya leta n’itari iya leta ireba na n’uburenganzira ku imibonano mpuzabitsina n’imyororocere cyane rikomeza gukangurira abantu barimo abagena-imigambi, abategura za gahunda zishirwa mu bikorwa n’abandi. Ibyo bituma ubwo burenganzira bugaragara mu biganiro ku iterambere.

Mu guteza imbere ubumenyi n’ibiganiro imbwirwa ruhame, itangazamakuru rica umuco wo guceceka, gusebanya n’ivangura kuri SRHR. Kandi gushira imbere bene izo mpamvu bizatanga amakuru azagira ingaruka nziza ku migambi irebana n’imyororocere,” Dr. Aflodis Kagaba umuyobozi mukuru wa HDI.

Yakomeje avuga ko abashinzwe igenamigambi, gushiraho ingamba n’itangazamakuru rifite amukuru kuri SRHR bakwiye gufatanya mu guteza imbere ubwo burenganzira, ubuzi bwa muntu, hamwe n’abakorera itangazamukuru.

Abo bafatanyabikorwa baba basanzwe n’ubundi bazi imigambi na za gahunda zikenewe gushirwa mu bikorwa kugirango bihe akamaro iyo migambi n’ibitekerezo bya abanyarwanda.

Itangazamakuru rifite uruhare mu gushyira ahagaragara uko inkunga muri izo gahunda ikoreshwa n’ibindi bijyanye n’ibyo biba bigenewe imishinga ya SRHR.
Icyo HDI ari cyo.

N’umushinga utabogamiye kuri leta ushinzwe guteza imbere ubuzima wa tangiye muri 2005 mu gufatanya na sosiyete nyarwanda mu kurushaho kugira ubuzima bwiza. HDI ikaba ifite umugambi wo guteza imbere abantu, kominete n’ibigo kugirango biteze imbere ubuzima.

Binyujijwe muri gahunda ziteza imbere uburenganzira, HDI yubaka ubufatanye bushingirwaho ubuvugizi n’ubufasha mu migambi iteza imbere ubuzima na serivise z’ibigenerwa abanyarwanda hadashingiye ku uko sosiyete iteye, uko umuco ugena cyangwa se no ku mikoro.
umubavu.com



Tanga igitekerezo kuri iyi nkuru



Igitekerezo