Abantu 61 biciwe mu bushyamirane bw’amoko muri Ethiopia

Abantu bagera kuri 61 bishwe mu bushyamirane bw’amoko bwadutse mu Ntara ya Oromia yo mu gihugu cya Ethiopia kuva ku munsi wa kane, nkuko ubutegetsi bw’iki gihugu bubitangaza.

Learn how to Thrive

Abaturage bitwaje intwaro bo mu bwoko bw’aba Somali bishe abantu bagera kuri 29 bo mu bwoko bw’aba Oromo ahitwa Hawi Gudina nabo mu kwihorera bica aba Somali 32 mu gitero cyabaye muri Komine ya Daro Lebu, nkuko bitangazwa n’umuvugizi wo muri ako Karere, Addisu Arega Kitessa. Bwana Addisu yavuze kandi ko inzu zisaga 350 zasambuwe.

Ubwo bwicanyi bwatangiye ubwo abitwaje intwaro batatumwe n’abavandimwe babo b’aba Somali basanzwe bigabije uduce tumwe na tumwe turimo Ibsa na Tao...babanje bivanga n’abaturage bo muri utu duce nkuko umuvugizi w’utu duce yabitangaje mu itangazo rye.

Yagize ati “ubutegetsi bw’Intara burimo burakora uko bushoboye kose ngo bushyikirize ubutabera abakoze ubwo bwicanyi” nkuko ikinyamakuru Reuters kibitangaza.

Abo bantu bishwe hashize iminsi mikeya abasirikare bahanganye bikomeye n’abaturage bari mu myigaragambyo mu mujyi wa Celenko mu gace ka Oromia, aho aba Oromo 16 bishwe.

Umuyobozi w’Akarere kabereyemo ibi, Lema Megersa yavuze ko bataramenya neza uwari uyoboye ingabo ku munsi wa kabiri ubwo ibi byabaga. Yagize ati "bitandukanye n’amategeko niyo mpamvu uwabikoze agomba kubiryuzwa".

Abantu amajana bamaze kwicwa abandi ibihumbi bavanwa mu ngo zabo mu bwicanyi bushingiye ku moko bumaze amezi ndetse no mu myigaragambyo yo kurwanya ubutegetsi muri iyo Ntara.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo