Yishe umukunzi we  amusutseho acide

Berlinah Wallace wo mu gihugu cya Afurika y’Epfo yasutse acide ku muhungu bakundana witwa Mark van Dongen kubera kumufuhira akeka ko amuca inyuma, kuri ubu akaba ari kuburanishirizwa mu gihugu cy’u Bwongereza.

Mbere yo gukora ibi, Berlinah Wallace yagize ati "aho kugira ngo nkubure ttwese twakubura", nyuma asuka iyo acide kuri uyu mukunzi we ubwo yari iwe mu nzu i Bristol mu kwezi kwa kenda mu 2015. Berlinah Wallace yakoze ibi nyamara urukundo rwabo rwari rumaze imyaka itanu rutakivugwa.

Mark van Dongen uvuka mu gihugu cy’u Bubiligi yaje kwitaba Imana nyuma y’amezi 15 nabwo hakoreshejwe uburyo bwa "euthanasie"(uburyo bwo kwica umuntu kubera ububabare afite ngo adakomeza kubabazwa cyane).

Abaganga bo muri Afurika y’Epfo bemeye ko Bwana van Dongen yamburwa ubuzima muri ubwo buryo mu gihe yari yarahiye bikabije kuva ku ijosi ujya hasi. Uyu musore kandi ntiyari agifite ukuguru kw’ibumoso, yewe n’ijisho ry’ibumoso n’igice kinini cy’iry’uburyo nticyari kikibona. Ibi byose byaje nyuma y’aho Mark van Dongen ameneweho iyo acide n’uwari umukunzi we byatumye abaho mu bubabare umuntu wese atakwihanganira ari na cyo cyatumye hafatwa icyemezo cyo kumwambura ubuzima hakoreshejwe uburyo bwavuzwe.

Uyu mukobwa Wallace w’imyaka 48 y’amavuko wakuriye mu ntara ya Gauteng muri Afrika y’Epfo akaba aniga rimwe na rimwe iby’ubudozi, yahakanye ko yishe uyu muhungu wari inshuti ye amusutseho acide y’ubumara.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo