Yasutse  acide ku mabere  y’umukobwa  wari inshuti ye

Ni mu gihugu cy’u Bwongereza mu burengerazuba bw’umujyi wa London mu gace ka Dalston aho Arthur Collins w’imyaka 25 y’amavuko yatwikishije acide umukobwa wigeze kumubera inshuti witwa Phoebe Georgiou w’imyaka 23 y’amavuko ubwo yizihizaga isabukuru ye y’amavuko amuziza ko yari amubonye mu kabyiniro yasohokanye n’umukunzi we mushya banezerewe.

Si uyu mukobwa wahahuriye n’uruva gusenya gusa kuko nyuma ye n’abandi bagera kuri 14 barembeye mu bitaro nyuma yuko nabo bamenywweho acide n’uyu musore.

Arthur Collins wari mu kabyiniro kamwe n’uwahoze ari umukunzi we nawe yishimira ko umugore we atwite, yari yaje yitwaje acide afite amakuru ko uwari umukunzi we arakorera ibirori byo byo kwizihiza isabukuru muri ako kabyiniro niko gukora iryo bara abasukaho acide mu gihe bari banezerewe. Kuri ubu Collins ari mu butabera akurikiranwaho guteza imvururu ndetse no guhambarira abantu abamenaho acide dore ko bamwe banangiritse ku buryo bukomeye barimo n’uyu wari umukunzi we.

Phoebe Georgiou w’imyaka 23 y’amavuko na Lauren Trent w’imyaka 22 y’amavuko bizihizaga isabukuru yabo bari mu kabyiniro ari nabwo Arthur Collins abasukaho acide.

Georgiou yahiswe ahamagara ababyeyi be ababwira ko batewe n’umuntu akabasukaho acide niko kuza kumutabara bihuta ariko basanga uyu musore yamaze kubagirira nabi kuko bari bahiye ku mibiri yabo batanabasha kugenda.

PNG - 725.4 ko
Uyu ni Phoebe Georgiou yahiye ku mubiri wose
PNG - 646.4 ko
Arthur Collins wasutse acide kuri Phoebe Georgiou wari inshuti ye


Phoebe Georgiou nyuma yuko ibi bibaye yagize ati “ nabonaga ari ibintu bisukika nyuma abitumennyeho tuza gusanga ari acide ari nabwo yatangiye kudutwika kugeza ubwo gewe mpiye mu gituza, ku mabere yange ndetse no ku maboko”.

Aya ni amwe mu mafoto ya bamwe mu batwitswe n’iyi acide bamenyweho na Arthur Collins.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo