Polisi  y’u Rwanda irasabwa gutabara mu tubari ’Shisha’ itaramara abantu

Leta y’u Rwanda yafashe ingamba zo kubuza abantu kunywera itabi mu ruhame ndetse inashyiraho itegeko ribibuza, ariko ubu hadutse ikindi kiyobyabwenge gishya cyitwa shisha kirusha ubukana itabi inshuro nyishi nyamara kuri ubu kiri kwitabirwa cyane n’urubyiruko n’abandi kandi bakakinywera mu ruhame police igiye gusabwa gukura shisha aho ziri mu tubari hose.

Mu kiganiro cyatambutse kuri Radio Rwanda, Umuyobozi mu Kigo gishinzwe Ubuzima mu Rwanda (RBC) ukuriye Ishami rishinzwe ubuvuzi bw’indwara y’ibihaha, impyiko, diabète n’izindi ndwara zibasira imyanya igize urwungano ngogozi, Niyonsenga Simon Pierre,yavuze ko ubusanzwe ibiyobyabwenge bigira uruhare rukomeye mu kuba umuntu yarwara indwara zitandura zirimo nka diabete n’izindi.

Ubukana bw’ikiyobyabwenge gishya cyadutse nyuma yo gusa n’aho abakoraga itabi baciwe intege n’amategeko ya za Leta zashyizeho mu bijyanye no gucuruza itabi no kurinywera mu ruhame, byatumye haduka ikindi kiyobyabwenge gifite nikotine iruta iri mu itabi, iki kiyobyabwenge kikaba kiri kwitabirwa cyane n’urubyiruko n’abandi bantu batandukanye.

Uyu muyobozi avuga ko ibi bifite ingaruka zikomeye kuko bishobora kongera ubukana bw’indwara zitandura ,Minisiteri y’ubuzima ikaba isanga n’abafite utubati bakwiye gushyira imbaraga zo kubuza abantu kunywa iki kiyobyabwenge mu ruhame kuko bafite n’urugaga bakoreramo bityo kaba yifuza ko nk’uko hari igihe police igeraho ikajya gufungira abafite urusaku rukabije ari nako yazajya ijya gusohora shisha ziri mu tubari gusa yongera ho ko itabi ritaciwe ku muntu ushaka kunywa itabi ; icyaciwe n’ukunywera itabi mu ruhame.

Itabi ryaduka wasangaga abantu bajya munzira baryitwaje ngo kuko byari bigenzweho muri icyo gihe cya kera nan’ubu ngo niko bisigaye bimeze muri iyi minsi ya none kuko abantu ngo kunywa shisha nabyo bibagaraza nk’abatu bakomeye kandi uko ngo itabi ryica ninako shisha yica.

Iyo unyoye shisha uba unyoye amatabi agera ku ijana kugeza kuri magana abiri kandi ntabwo umenya ko warinyoye noneho abantu bari aho ukabahaho kuko abantu bose urabasangiza bose nuwagiye kwunywera fanta ugataha wanyoye itabi utabizi.

Niyonsenga yavuze ko ‘Shisha’ ifite uburozi muri yo kurusha andi matabi abantu banywa, ku buryo hari n’umugambi wo kuyihagurukira ngo ntizongere kunyobwa mu ruhame, kuko mu Rwanda hari n’itegeko ribuza kunywa itabi mu ruhame, harimo na shisha.

Yakomeje agira ati “Uko shisha yica niko n’isegereti ryica. Ikindi ni uko igira nicotine nyinshi kurusha itabi risanzwe. Ni ukuvuga ngo unyoye shisha, uba unyoye nk’amatabi agera ku 100 kugeza kuri 200. Noneho abantu bari mu kabari bose ukabahaho, nawe wagiye kwinywera amazi cyangwa fanta...”

Umuvugizi wa Polisi mu Mujyi wa Kigali ,SP Emmanuel Hitayezu mu kiganiro yagiranye n’Ikinyamakuru,UMUBAVU agaruka ku kuba Polisi yajya ijya mu tubari igasohora Shisha zirimo, yavuze ko kugeza ubu Shisha itari ku rutonde rw’ibiyobyabwenge.

SP Emmanuel Hitayezu yunzemo ko mu gihe inzego zibishinzwe zagaragaza ko koko Shisha ari ikibazo ,Polisi nk’urwego rushinzwe umutekano w’abantu n’ibyabo no gukurikirana iyubahirizwa ry’amategeko yagira icyo ikora.

Ubusanzwe indwara zitandura zose zifite ahantu zihurira, iyo warwaye Diabete ushobora kurwara umutima cyangwa kanseri izo ndwara zose zifite ahantu zihurira ni ukuvuga ngo rero itabi ryo na cancer n’umuyoboro umwe indwara z’umutima nazo ni kimwe turimo kuzirwanya ni ngombwa ko dutekereza kuri ibi bintu tukarwanya itabi tukagabanya inzoga.

By Nsengimana Theoneste



Tanga igitekerezo kuri iyi nkuru



Igitekerezo