Nyuma yo guterwa icyuma ku mutima n’umwana w’imyaka 17, ubuzima bwe buri mu kaga

John Kelly w’imyaka 18 wo mu gihugu cya Wales yatewe icyuma mu mutima na mugenzi we w’imyaka 17 kuri ubu ubuzima bwe bukaba buri hagati y’umupfu n’umupfumu nyuma yuko akomerekejwe bikomeye.

Ubwo yari mu mugi wa Blacktown aho yari yagiye guhaha, John Kelly nibwo yatunguwe n’umwana w’imyaka 17 amutera icyuma mu mutima agahita agwa aho ku bw’amahirwe agahita ajyanwa ku bitaro byari bimwegereye mu mugi wa Blacktown I Sydney. Ibi byabaye mu ijoro ryakeye ubwo uyu mwana yari muri uyu mugi.

PNG - 536.9 ko
John Kelly watewe icyuma n’umwana mugenzi we


Nubwo John Kelly yahise ajyanwa ku bitaro bimwegereye ngo nta kizere ko ashobora kubaho kuko yakomerekejwe umutima ku buryo bukomeye.

PNG - 800.5 ko
Aha John Kelly yashyirwaga muri Ambulance ngo ajyanwe ku bitaro


Uyu mwana wakoze iri bara ukomoka muri Wales y’amagepfo nawe polisi yahise imuta muri yombi kuri ubu akaba agomba kugezwa imbere y’ubutabera akaryuzwa iki cyaha. Uyu mwana yashinjijwe n’abantu benshi ko ari we wakoze ibi aho bari buzuye kuri ambulance yajyanaga John Kelly ku bitaro.

PNG - 680.4 ko
Polisi yahise ita muri yombi uyu mwana wakoze iri bara


Ngo nyuma hanakoreshejwe indege yo mu bwoko bwa helicopter kugira ngo harebwe ko ubuzima bw’uyu mwana bwakurwa mu menyo ya rubamba ngo abaganga bakaba bakomeje gukora hasi no hejuru ngo barebe ko uyu mwana yarucika nubwo ngo bitoroshye.

PNG - 693.2 ko
Abaganga bakomeje gukora hasi no hejuru ngo barebe ko ubuzima bwa John Kelly bwava mu menyo ya rubamba


Polisi ikorera mu mugi wa Blacktown yatangaje ko uyu mwana wakoze ibi nta sano afitanye n’imitwe y’iterabwoba nkko bamwe bari batangiye gukeka gusa kuri ubu iperereza rirakomeje ngo hamenyekane icya cyateye uyu mwana gukora ibi hafi yo kwambura mugenzi we ubuzima.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo