Kagera : Abanyeshuri 5 bahitanywe n’igisasu abandi 20 barakomereka

Mu gihugu cya Tanzaniya mu ntara ya Kagera, igisasu cyaturikiye kuri rimwe mu mashuri abanza yo muri iyi ntara cyica abanyeshuli batanu abandi bagera kuri 20 barakomereka.

Umukuru w’igipolisi mu ntara ya Kagera yemeje ayo makuru, avuga ko abo banyeshuri bishwe n’igikoresho gikozwe mu cyuma barimo bakinisha.

Kutri abaturage bakomeje gukora ibishoboka byose ngo bakore ubutabazi bw’ibanze bashoboye by’umwihariko ku bakomeretse.

Ibi bibaye mu gihe hashize amezi abiri abandi bana batatu nabo bishwe n’ibyuma bakinishaga bikaza gutahurwa ko zari gerenade hafi y’ahari ibirindiro bya gisirikare.

Byaketswe ko ibi nabyo byaba ari gerenade aba bana bakinishije ikabaturikana. Ibi byose byabereye mu burasirazuba bw’igihugu cya Tanzaniya.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo