Icyo Janet  Museveni avuga ku bakobwa be bashyingiwe bakiri amasugi

Muri iki gihe usanga abantu benshi bavuga ko kuri ubu ari ihurizo rikomeye kubona umwari waba ukiri isugi nyamara burya ngo akanyoni katagurutse ntikamenya iyo bweze. Mu minsi shize nibwo umufasha wa Perezida wa Repubulika ya Uganda (iyobowe na Museveni Kaguta Y.), Janet Museveni yatangaje ko abizi neza ndetse adashidikanya ko abakobwa be bose bashyingiwe bakiri amasugi kuko yabareze neza mu muco wa kiny-Afurika nyamara akaba yaravuze ibi mu gihe usanga hari abasore benshi ndetse n’abagabo bavugga ko kuri ubu bigoye kubona umukobwa ukiri isugi.

Ni mu ijambo yavugiye mu gace ka Kyenjojo ku munsi w’Umwana w’Umukobwa, aho yeruye akavuga ko buri mukobwa we yamuhaye ikarita y’ubusugi, maze buri mukobwa nawe akagenda ayereka umugabo we mu ijoro ry’ubukwe.

PNG - 1.1 Mo
Janet Museveni n’abakobwa be


Jeanette Museveni yagize ati “Abakobwa banjye bose nabasinyishije amakarita yanditseho ngo ‘urukundo nyarwo rurategereza’ mbategeka kwifata kugeza mu ijoro ry’ubukwe ubwo bahuye bwa mbere n’abagabo babo.”

Yunzemo ati “Niko twe kera twarezwe n’ababyeyi bacu kandi nta bwomanzi bwabagaho nk’iki gihe. N’ubu rero byashoboka.”

Janet Museveni yakomeje abwira abangavu bari bamuteze amatwi ati ko umugabo yaba munini cyangwa muto badakwiye kumwemerera, kuko ngo hari igihe akoresha utugambo turyoheye amatwi,…

PNG - 559.6 ko
Jeannette MUSEVENI, Umufasha wa Nyakubahwa Perezida wa Repubulika ya Uganda

Jeanette ati “ ntukagire uwo wemerera kukwangiza ukiri muto kandi ntugakore imibonano mpuzabitsina utarashyingirwa. Urukundo nyarwo rurategereza.”

Yaboneyeho anenga ababyeyi basaba amafaranga kugira ngo babikire ibanga uwafashe ku ngufu umwana wabo, maze ahamya ko kuba serivisi zo kuboneza urubyaro zisigaye zitangirwa ubuntu byateye abakobwa kwiyandarika ku buryo batagishobora guhakanira ushaka kubashora mu busambanyi.

“Gukoresha serivisi zo kuboneza urubyaro ntibiri mu muco wacu, ntitugifite ishema ryo guhakana, abantu bahabwa imiti yo kuboneza urubyaro ngo bayikoreshe bakore ibyo bashaka, basambane, bafate ibinini, batwite bavanemo inda, ibyo ntibiri mu muco wacu muri Afurika.” Jeanette Museveni

Janet Museveni w’imyaka 69, amaze imyaka 31 abana na Perezida Yoweri Kaguta Museveni, kuri ubu ni Minisitiri w’Uburezi wa Uganda.

Abakobwa ba Museveni barimo Diana Museveni washyingiranywe n’umugabo witwa Geoffrey Kamuntu, Natasha Museveni, umugore wa Edwin Karugire na Patience Museveni warongowe na Odrek Rwabwogo.

PNG - 798.8 ko
Patience MUSEVENI n’umukunzi we Odrek Rwabwogo

PNG - 890.9 ko
Natasha MUSEVENI warongowe na Edwin Karugire

PNG - 1.1 Mo
Diana MUSEVENI wambikanye impeta na Geoffrey Kamuntu

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
hakizimana jean marie Kuya 19-10-2017

umugenzo w africa nuwo warifite akomaro none ubu barawutaye vyiza twowukomeza