Rurageretse hagati ya Dr Françis nyiri Goodrich tv na Bagemahe umushinja ubwambuzi n’ubuhemu

Dr Françis HABUMUGISHA umuyobozi mukuru wa Televiziyo ya Goodrich yongeye gushinjwa ubwambuzi n’abakozi, nyuma y’igihe gito arangije ibihano bya RMC(Urwego rw’Abanyamakuru Bigenzura), aho abakobwa batatu bari bamushinje ubuhehesi n’ubwambuzi.

Mu minsi yashize nibwo yashinjwaga kwambura abakozi aza gusunikwa n’inzego za Leta bisa n’aho bigabanutse, ariko kuri ubu ubu hagati ye n’uwahoze ari umukozi we Clement Bagemahe haravugwa urunturuntu rushingiye ku mushahara. Twagerageje kumuvugisha ariko yirinda kugira icyo abivugaho.

Bagemahe kandi yakomeje avuga ko Dr Francis yamwambuye amafaranga arenga Miliyono enye (4.000.000frw)ubwo yakoreraga Televisiyo ya Goodrich aho ngo ntaniritoboye yamuhaye muri ako kazi kose yamukoreye.

Yagize ati, “ nakoreye uyu mugabo duhangana n’ibintu byinshi yakoraga harimo ;Gushaka gusambanya abakobwa akoresha muri company ze,Kudahemba no kwambura abakozi akoresha, Kudatanga imisoro, ya Leta muri RRA n’ubwiteganyirize muri RSSB, Kuregwa agaca amazi abo yarezweho, Guhohotera no gutera ubwoba abakozi akoresha no gukubita abanyamakuru akanabakomeretsa. Ibi byose twara byihanganiye yewe naho biri ngombwa tukamugira inama ariko mbona yaranze guhinduka kuko adashaka kunyishyura.”

Bagemahe kandi yavuze ko yagiye akora akazi gakomeye mu bigo by’uyu mugabo ariko we kimwe na benshi babikoramo bikaba ntacyo bibasigira ahubwo birangira bagiranye ibibazo.

Yagize ati "Ibi byoze ntiyabimpembeye yaranyambuye ubu ari gusuzugura inzego z’abanyamakuru n’iza leta zakadufashije zikatwumvikanisha dore ko we yanze ko twumvikana".

IBAMBE Ushinzwe amategeko mu Rwego rw’ Abanyamakuru Bigenzura RMC yavuze ko icyo kibazo bakibagejejeho Clement ari kumwe n’undi mu genzi we, baza kongera kubandika bababwira ko ikibazo bari bafitanye n’umuyobozi wa Goidrich tv cyarangiye, nyuma yaho Clement BAGEMAHE aza kongera kubagezaho ikindi kibazo cy’uko yari yaramuhaye indi mirimo akaba atarayimuhembeye ariko ngo kuko basanze bitari mu bibazo bafitiye ubu basha bamugiriye inama yo kujya k’umugenzuzi w’umurimo akabafasha gukemura icyo kibazo.

Yagize ati ; “ Hari ibibazo twakitiye bya Goodrich tv […] nyuma Clement Bagemahe ari kumwe n’undi baratwandikira batugezaho ikibazo bafitanye na Goodrich tv, nyuma ariko baza kongera kutwandikira batubwira ko ibibazo bari bafitanye byarangiye [ibaruwa barayifite] Twaje kongera kubona ikindi kirego cya Clement BAGEMAHE kivuga ko hari indi mirimo atamuhembeye, turebye dusanga ntaho gihuriye n’itangazamakuru tumugira inama yo kujya ku umugenzuzi w’umurimo mu karere”.

Clement bagemahe ushinza uyu muyobozi w’iyi televisiyo kutitaba inzego aba yagejejeho ikibazo dore ko kuva yageza ikibazo cye k’umugenzuzi w’umurimo mu karere ka Nyarugenge ataritaba.

Ubwo twabazaga umugenzuzi w’umurimo yavuze ko bafasha abafitanye ibibazo by’umurimo bakabahuza kandi ko iyi umuntu atitabiriye ubutumire uwabagejejeho ikibazo bamwohereza mu rukiko kuko bo icyo baba bagamije ni ukubumvikanisha.

Yagize ati ; “Icyo kibazo tura kizi kuko uwo muyobozi twamwandikiye ubutumire ndetse tumumenyesha n’icyo tuzaganiraho ariko ntiyitabira ubutumire, iyo rero uwadusabye kubahuza agarutse akadusaba kongera kumutumira nabwo ntaze n’ubwo ubutumire dutanga ari butatu hari n’ubwo twongera tukamutumaho ariko iyo tumenye andi makuru ko n’ubusanzwe atajya yitabira ubutumire kunshuro ya 2 dushobora guhita twumwohereza mu rukiro”.

Ubwo twateguraga iyi nkuru twagerageje kuvugisha Dr. Francis Habumugisha akanjya afata telephone ntavuge tumwandikira n’ubutumwa bugufi inshuro 2 ntiyabusubiza.

Dr. Francis Habumugisha yavunzweho kunaniza abakozi n’abandi bose yakoresheje mu gihe cyo kubahemba, guhohotera abakobwa akoresha, gukubita abanyamakuru, ku datanga imisoro ya RRA n’ubwiteganyirize ku bakozi.

Nsengimana Theoneste



Tanga igitekerezo kuri iyi nkuru



Igitekerezo