Urutonde rw’abagore batunze agatubutse ku Isi muri uyu mwaka wa 2017

Umufaransakazi Liliane Bettencourt w’imyaka 94 yari afite amaduka y’ibintu byo kwisiga LOreal akaba ari we mugore wa mbere wari atunze cyane ku isi na miriyari zisaga 39.5$. Gusa ubu butunzi yamaze kuburaga abana mbere yuko atabaruka.

Ibi byatuma umuntu yibaza umugore wa mbere mu gutunga agatubutse ku rwego rw’isi mu gihe uwari uwa mbere atabarutse mu kwezi gushize imitungo ye akayiraga abana be.

Mu gusubiza iki kibazo, ku mwanya wa mbere umugore uyoboye abandi mu gutunga agatubutse ni Alice Walton kuri ubu afite ubutunzi bubarurirwa muri miriyari 33.8$ akaba amaze kunguka asaga miriyari 1.5$ kuva mu mwaka ushize. Ku rutonde rusange rw’abatunzi bakomeye rwa Forbes rwashyizwe ahagaragara muri uyu mwaka, akaba yario ari ku mwanya wa 17.

PNG - 515 ko
Alice Walton, umugore utunze agatubutse ku isi


Walton, ni umwana w’ikinege w’uwatangije amaduka ya Wal-Mart Sam Walton, ni we mugore wa mbere kuri ubu utunze agatubutse muri Leta Zunze Ubumwe za Amerika. Ubutunzi bwe buva mu migabane afite muri Wal-Mart ndetse no mu mafaranga akura mu nyungu nyuma yo kugabanaa inyungu n’abandi.

Ni umwe mu bagore bane bo mu muryango wa Walton bari ku rutonde rw’abagore batunze cyane ku isi bose hamwe bakaba bafite ubutunzi bushyika kuri miriyari zisaga 49.5$. Aba bagore uko ari bane ni Christy Walton, umupfakazi wa mwenewabo wa John, na babyara be Anne Walter Kroenke na Nancy Walton Laurie.

PNG - 630 ko
Isabel dos Santos ukomoka muri Angola, ni we mugore wa mbere ku mugabane wa Afurika utunze agatubutse

Jacqueline Mars afite miriyari 27$, sekuru we Frank Mars ni we watangije kompanyi y’ipikipiki zitwa Mars Inc akaba ari nawe mugore wa gatatu ku rwego rw’isi mu kugira ubutunzi.

Akurikirwa na Mari Franca Fissolo ufite miriyari 25.2$. Umugabo we nyakwigendera Michel Ferrero, ni we yatangije kompanyi ya Ferrero Group. Iyi kompanyi ikaba ikora Ferrero Rocher, Kinder Chocolate hamwe na Tic Tacs. Ni nayo kandi ikora Nutella.

Isabella Dos Santos umukobwa w’uwahoze ari Perezida wa Angola, ni we ukiri uwa mbere mu butunzi ku mugabane wa Afrika n’ubutunzi bungana na miriyari 3.1$.
Umupfakazi wa Steve Jobs.

Umupfakazi wa Steve Jobs, Laurene Powell Jobs, afite ubutunzi bwa miriyari 20$ kubera imigabane afite muri kompanyi ya Apple na Disney akaba ari ku mwanya wa gatanu ku rutonde rw’abagore batunze cyane ku isi.

Benshi mu bagore batunze cyane ku isi usanga akenshi biba ari ibisigisigi by’abagabo babo nk’uko bivugwa na Forbes.

PNG - 772.3 ko
Umupfakazi wa Steve Jobs, Laurene Powell Jobs

PNG - 701.2 ko
Liliane Bettencourt ni we mugore wari utunze agatubutse ku isi nkuko bivugwa na Forbes


Ariko kandi hariho abacuruzi 15 b’abagore batunze agatubutse batavuzweho cyane ku mugabane wa Asia. Umwe ni Nguyen Thi Phuong Thao wo muri Vietnam ufite kompanyi ye y’indege ya VietJet. Amerika yo ifite abagore benshi batunze ku isi aho ifite abagera kuri 74. U Budagi n’u Bushinwa ni byo bihugu bikurikiraho bikaba bifite 28 na 23.

Dore urutonde rw’abagore batunze agatubutse ku isi muri uyu mwaka wa 2017

1. Alice Walton - $33.8
Ubutunzi bwavuye mu iduka rya Wal-Mart
2. Jacqueline Mars - $27
Ubutunzi bwavuye muri kompanyi ya : Pipi
3. Maria Franca Fissolo - $25.2
Ubutunzi bwavuye muri shokora
4. Susanne Klatten - $20.4
Ubutunzi bwavuye muri : BMW n’imiti

PNG - 449.6 ko
Susanne Klatten


5. Laurene Powell Jobs - $20
Ubutunzi bwavuye muri Apple, Disney
6. Gina Ronehart - $15
Ubutunzi bwavuye mu gucukura amabuye y’agaciro
7. Abigail Johnson - $14.4
Ubutunzi bwavuye mu kubika no kugurana amafaranga
8. Iris Fontbona - $13.7
Ubutunzi bwavuye mu kwimba amabuye y’agaciro
9. Beate Hesiter - $13.6
Ubutunzi bwavuye mu maduka aranguza ibintu
10. Charlene de Carvalho-Heineken - $12.6
Ubutunzi bwavuye muri Heineken
11. Blair Parry-Okeden - $12.2
Ubutunzi bwavuye mu nzu zitangarizwamo amakuru
12. Massimiliana Landini Aleotti - $9.5
Ubutunzi bwavuye mu miti
13. Yang Huiyan - $9
Ubutunzi bwavuye mu kugurisha amazu n’ubutaka
14. Katharine Rayner - $8.1
Ubutunzi bwavuye mu nzu zitangarizwamo amakuru
15. Margaretta Taylor- $8.1
Ubutunzi bwavuye mu nzu zitangarizwamo amakuru
16. Zhou Qunfei : - $7.4
Ubutunzi bwavuye mu biyo by’amaterefone agezweho
17. Pauline MacmMillan Keinath - $6.8
Ubutunzi bwavuye muri Cargill
18. Sandra Ortega Mera - $6.7
Ubutunzi bwavuye muri : Zara
19. Carrie Perrodo - $6.3
Ubutunzi bwavuye muri Peteroli

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo