U Burundi : Hari abaturage batunzwe n’ibiryo batoraguye mu bimoteri

Mu gihe ku isi hizihizwa umunsi mpuzamahanga wahariwe kurwanya ubukene, mu Burundi ho biravugwa ko ahubwo buguma kwiyongera ku buryo iki gihugu gibariwa mu bihugu bya nyuma ku isi bikenye kurusha ibindi.

Rimwe mu mashyirahamwe ategamiye kuri Leta, PARCEM rivuga ko ryatangiye igikorwa kwerekana ibimenyetso by’uburyo ubukene buvuza ubuhuha mu Burundi ndetse n’uburyo bakomeje kwicwa n’inzara batagira kirengera gusa mu nzira yo kugira ngo abantu bose barebere hamwe icyakorwa mu kurwanya ubu bukene.

PNG - 761.3 ko
Aba ni abarundi baba mu mugi wa Bujumbura babeshejweho no gutoragura ibibatunga mu bimoteri kubera ubukene bukabije


Ikigo cya Leta y’u Burundi gishinzwe ibarurishamibare (Statistics) cyakoze ibarura ry’uko ubutunzi bwifashe mu Burundi nyuma cyerekana ko abarundi barindwi ku 10 baba mu bukene. Ibyo kurya babura bingana na 30 kugira ngo abantu bose bashobore kubibona. Ibi bimaze gutuma ingaruka z’ubu bukene zigera kuri 20 ku ijana.

Umuryango wa PARCEM uvuga ko batangije uburyo bwo gukwirakwiza amakuru mu binyamakuru kugira ngo ibyo bimenyetso by’ububukene bimenyekane na cyane ko hari aho usanga abanyepolitike bamwe na bamwe babwira abantu ko ibintu byifashe neza nta kibazo gihari mu Burundi.

Hashize imyaka 25 umunsi mpuzamahanga wahariwe kurwanya ubukene utangiye kwizihizwa kuri iyi nshuro ukaba warasanze ubukene bunuma mu Burundi ndetse bwaraniyongereye cyane aho kugabanuka.

Mu mwaka wa 1992 , abarundi 3 ku 10 nibo babarurwaga ko baba mu bukene, mu gihe kuri ubu babarizwa muri 7 ku 10.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Umurisa Zawadi Kuya 19-10-2017

Andika Igitekerezo Hanno sha lmana ikwiriye kubabarira kuko barabaje

jiriber Kuya 19-10-2017

birababajepe bihangane

Albert Kuya 19-10-2017

Mwihangane natwe ndabona ubukene bumeze nabi pe bura numa rwose