Perezida Kagame yafunguye Isoko ry’Ubwikorezi bwo mu kirere rizaba rihuriweho na Afurika yose (Amafoto)

Kuri uyu wa Mbere tariki ya 28 Mutarama 2018, Perezida wa Repubulika y’u Rwanda, Paul Kagame ari nawe muyobozi w’Umuryango wa Africa Yunze Ubumwe muri Manda y’umwaka umwe, yafunguye ku mugaragaro Isoko rimwe ry’ubwikorezi bwo mu kirere “Single African Air transport market”; kubwe, ngo iyi ni intambwe ikomeye ku bwikorezi.

Learn how to Thrive

Ibi bibaye mu gihe Perezida Kagame yatangiye Manda ye y’umwaka umwe ayoboye Umuryango wa Afurika Yunze Ubumwe, imirimo yatangiye tariki ya 28 Mutarama 2018, avuga ko muri iyi manda ye ayoboye uyu muryango, icyo ashyize imbere ari uguhuriza hamwe imbaraga za Afurika hagamijwe kugera ku iterambere rirambye kandi ryifuzwa.
Kuri uyu wa Mbere, nibwo Perezida Kagame yafunguye ku mugaragaro Isoko rimwe ry’ubwikorezi bwo mu kirere “Single African Air transport market”, aho yari aherekejwe na bamwe bakuru b’ibihugu bya Afurika barimo na Perezida wa Guinea Alpha Conde wayoboye AU kuva muri Mutarama umwaka ushize wa 2017.
Perezida Kagame kandi yavuze ko uretse gufungura iri soko rya “African Air transport market” ryafunguwe uyu munsi, muri gahunda afite harimo no gufungura isoko rimwe rihuza umugabane wa Afurika.
Ibyo gufungura iri soko, Perezida Kagame akaba n’umuyobozi wa AU, yari yavuze ko umugabane wa Afurika uri hafi gushyiraho isoko rimwe (continental free trade area) kandi bikeneye gukorwa uyu mwaka.
Yagize ati "Korohereza urujya n’uruza rw’abantu (Freedom of movement of people) muri Afurika nabyo ni ngombwa kandi bizagerwaho muri uyu mwaka wa 2018.”

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo