Kirehe: Bamwe mu bayobozi barashinjwa kunyereza inka z’abaturage

Abaturage bo mu kagari ka Nganda umurenge wa Musaza mu karere ka Kirehe baravuga ko gahunda ya Girinka ihagaze nabi muri aka gace kubera ko bamwe mu bayobozi b’imidugudu banyereza inka zagenewe abaturage ndetse ngo n’abaturage bazihabwa maze bakazakwa mu buryo budasobanutse zikaburirwa irengero
Urugero rwa hafi aba baturage batanga ni urw’umusaza Hakizimana Emmanuel uzwi ku izina rya Kagorora uvuga ko ubuyobozi bwaje adahari maze butwara inka yari yarahawe.

Abaturage bazi ikibazo cy’uyu musaza nabo baravuga uyu musaza yanyazwe inka ye mu buryo butumvikana aho basaba ko yasubizwa inka ye dore ko ngo yari ayimaranye igihe kinini ayitaho,

Aba baturage kandi baranavuga ko n’ubusanzwe gahunda ya girinka itameze neza muri aka gace kuko ngo hari inka zagiye ziburirwa irengero bigizwemo uruhare n’abayobozi b’imidugudu .

Ku kibazo cy’uyu musaza uvuga ko yanyazwe inka Umunyamabanga nshingwabikorwa w,akagari ka Nganda Nduwayezu Emmanuel yavuze ko n’ubwo iyo nka yasaga n’aho ibayeho nabi ngo ntabwo bayimwambura ahubwo ngo barimo kureba uburyo yafashwa kuyitaho
Kubijyanye na gahunda ya Girinka bivugwa ko isanzwe itagenda neza muri aka gace , uyu munyamabanga nshingwabikorwa w’akagari yavuze ko agiye kubihagurukira ashingiye ku makuru azagenda ahabwa n’abaturage.
Kuba iyi gahunda ya girinka itagenda neza muri aka gace ngo bituma abagenerwa bikorwa aribo baturage badindira mu iterambere bitewe n’uko hari gahunda bagenerwa na Leta maze ntizibageraho uko bikwiye


Travel for Free!


Tanga igitekerezo kuri iyi nkuru



Igitekerezo