Bacukuye umwobo wa metero 8 bashaka kwiba Banki

Ni mu gihugu cy’u Buhinde aho abajura bo mu mugi wa Mumbai bibye Banki yitiriwe Baroda babanje gucukura inzira ica mu kuzimu kuri metero hafi umunani (8), igikorwa cyabatwaye amezi ane yose.

Igipolisi cyabwiye BBC ko amafaranga n’ibikoresho bimwe bya Banki ari byo byibwe ariko kuri ubu bikaba bitaramenyekana agaciro kabyo byose hamwe.

PNG - 926.9 ko
Aba bajura bibye iyi Banki banyuze mu mwoba bacukuye amezi asaga 4 yose


Ubutegetsi buvuga ko abakoze ubwo bujura babanje gukodesha agace kose kegereye iyo Banki yitiriwe Baroda kugira ngo bashobore gucukura uwo mwobo banyuzemo.

Bivugwa ko bari bafite iduka ry’ibiribwa biva mu mirima yabo muri ako gace ari nabyo byabafashije mu guhumisha abantu muri iki gikorwa.

Abakekwaho kuba barakoze ubu bujura ngo kugeza ubu ntawuzi irengero ryabo kuva mu ijoro ryo ku munsi wa gatandatu.

PNG - 718.8 ko
Igipolisi cyatahuye ko aba bajura bari bakodesheje iri duka mbere yo kwiba


Ntawurashobora kumenya uburyo abo bantu bashoboye gucukura uwo mwobo mu kuzimu amezi ane yose nta muntu n’umwe ubiketse.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Ernest dukuze Kuya 16-11-2017

uyu munyamakuru ni danger ! ?!!
yarize ? hari bike yagombye kugaragaza byibuze aho byabereye !

JDAMAS Kuya 15-11-2017

Ariko Se Nkuyu Uba Wanditse Iyi Nkuru Kweri Aba Yifitemo Ubunyamwuga ?Ntavuze Bank Iyo Ariyo Ntavuze Igihugu !

kabera ernest Kuya 15-11-2017

ariko nkiyo ninkuru koko ???!!!byabereye mukihe gihugu ??!!umuntu wanditse iyi nkuru numunyamakuru wumwuga koko ?!!!