Amanyanga mu bucuruzi bw’ibirayi asize 49 batawe muri yombi na Polisi

Polisi y’u Rwanda yataye muri yombi abantu 49 bashinjwa amanyanga mu bucuruzi bw’ibirayi no kutubuhiriza amabwiriza yashyizweho mu rwego rwo kwirinda akajagari kagaragara mu micururize yabyo.

Abo bantu berekanwe kuri uyu wa Gatatu, ubwo ba Minisitiri Francis Kaboneka w’Ubutegetsi bw’Igihugu, Vincent Munyeshyaka w’Ubucuruzi n’Inganda, Dr Gerardine Mukeshimana w’Ubuhinzi n’abandi bayobozi barimo Umuyobozi wungirije w’Umujyi wa Kigali ushinzwe ubukungu, Parfait Busabizwa n’Umuyobozi Mukuru wa Polisi y’u Rwanda, IGP Emmanuel Gasana bari ku ikusanyirizo ry’ibirayi rya Nzove.

Hari mu gikorwa cyo kuganira n’abaturage n’abacuruzi ku iyubahirizwa ry’amabwiriza agenga imicururize y’ibirayi.

Umuvugizi wa Polisi y’u Rwanda, CP Theos Badege, yabwiye IGIHE ko abo 49 bafashwe muri iki cyumweru barimo “ 28 bafatiwe mu Ntara y’Iburengerazuba, 10 bafatiwe mu Majyaruguru na 11 bafatiwe mu Mujyi wa Kigali.”

PNG - 780.3 ko
Abantu 49 batawe muri yombi bazira amanyanga mu bucuruzi bw’ibirayi


Minisitiri w’Ubucuruzi n’Inganda, Vincent Munyeshyaka, yavuze ko gahunda zose ziri gushyirwaho, icyo leta y’ u Rwanda yifuriza buri Muturarwanda ni ukubaho neza, “abacuruza bagacuruza bunguka ariko bigakorwa bikurikije amabwiriza n’amategeko aba yarashyizweho. “

PNG - 655.9 ko
Vincent Munyeshyaka, Minisitiri w’Ubucuruzi n’Inganda


Minisiteri y’Ubucuruzi iheruka gufata umwanzuro wo guca amande abacuruzi banyuranyije n’amabwiriza agenga kuranguza ibirayi i Kigali, buri wese yaciwe amafaranga ibihumbi 500.

Abo bacuruzi bafashwe baranguriza ahitwa ku “Giti cy’Inyoni” mu gihe hari hashize iminsi bahawe amabwiriza yo kujya bajya mu Nzove, haherereye mu Murenge wa Kanyinya, Akarere ka Nyarugenge.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo