JABANA-GASABO : VUP yahagaze umuhanda udakozwe none amazi ari gusenyera abaturage

Abaturage bo mu mudugudu w’Akinyana mu murenge wa Jabana mu karere ka Gasabo mu mujyi wa Kigali baravuga ko ibikorwa bya VUP byahagaze umwaka ushize umuhanda utarangiye gukorwa nta n’imiyoboro y’amazi ishyizwe ku nkengero z’umuhanda iyi bita imiferegi none muri iki gihe cy’imvura amazi ari kubasenyera abasanze mu ngo zabo dore ko n’imihanda imaze kwangirika.

Aba baturage baravuga ko ubu iyo imvura iguye n’ijoro bataryama kuko bagomba kurara bayobora aya mazi, aho bavuga ko iyo Imana ibafashije imvura igwa kumanywa, ibi nabyo bituma nta kindi kintu bikorera.

Ubuyobozi bw’umurenge wa Jabana buravuga ko ibikorwa bya VUP bizasubukurwa umwaka utaha bazahita bahangana n’iki kibazo. Gusa umunyamabanga nshingwabikorwa w’uyu murenge Uzayisenga J. Bosco akomeza avuga ko muri uku kwezi gutaha k’ Ukuboza inzira y’amazi izaba yakozwe neza mubikorwa by’umuganda rusange udasanzwe bizajya bikorwa buri wa gatandatu wa buri cyumweru.



Tanga igitekerezo kuri iyi nkuru



Igitekerezo