Abajura bitwaje intwaro bishe umukozi wa BK

Ruhango – Ahagana saa kumi n’ebyiri n’igice kuri uyu mugoroba abajura batanu bitwaje intwaro bateye Banki ya Kigali ishami rya Buhanda binjiramo barasa bamwe mu bakozi ba Banki umwe muri bo ahasiga ubuzima abandi babiri barakomereka. Aba bajura ngo basohokanye ibikapu birimo amafaranga.

Abaturage kuri centre ya Buhanda bahise bahurura bumvise amasasu, babwiye umunyamakuru wacu ko buri mujura muri aba yari yitwaje imbunda kandi harimo abari bambaye imyenda isa n’iya gisirikare.

Umwe mu baturage bari hano hafi yabwiye Umuseke ko baje ari abajura batanu bageze ku muryango wa Banki uhacunga umutekano (security) umwe afata umwe muri bo maze bagenzi be bahita bamujombagura ibyuma mu bitugu ariruka.

Undi ucunga umutekano wa Banki ngo yahise arasana nabo ariko bamurusha imbaraga akizwa n’amaguru agaruka nyuma.

Abakozi ba Banki imbere bumvise amasasu bahise bafunga inzugi ariko aba bajura babasha kwinjira imbere barashe inzugi, batatu ngo nibo binjiye babiri basigara hanze babacungiye nk’uko uyu wari hafi abivuga.

Ati “Barashe amasasu menshi cyane, harimo ayo barashe bica urugi, n’ayo barashe bageze imbere muri Banki bashaka kwica cofre-fort. Natwe hano kuri centre twavuzaga induru bakaturasamo amasasu ngo tutahegeera.”

Kugeza ubu umugore umwe wari umaze amezi ane gusa arongowe witwa Quesie MUHAWENIMANA wakoraga muri iyi bank niwe wahitanywe n’amasasu y’aba bajura. Yari umu-cashier muri iyi Bank.

Abakozi bandi babiri barimo na Manager w’iri shami bakomerekejwe n’amasasu bajya kuvurirwa ku bitaro bya Gitwe.

Kugeza ubu kandi ntibiramenyekana niba aba bajura bibye amafranga ya Banki kuko umunyamakuru wacu uriyo avuga ko ngo cofre-fort ya Banki igifunze.

Kuri iyi Banki ubu hari abantu benshi cyane, inzego z’umutekano n’abayobozi b’inzego z’ibanze.

Aba bajura nta n’umwe kugeza ubu wabashije gufatwa kuko bahise bacika inzego z’umutekano zitarahagera.

Aba bajura bamaze kwiba basohotse muri Banki inzego z’umutekano zitarahagera baciye inyuma ya Banki bagenda n’amaguru barasa bishakira inzira ntihagira ufatwa muri bo.

Iki gikorwa gisa n’ikizweho cyane n’aba bajura kuko mu kwezi gushize nabwo mu masaha y’umugoroba bateye iyi Banki ya BK aha ku Buhanda ariko bwo bikanga inzego z’umutekano barahunga.

Mu myaka ine ishize aha kuri centre ya Buhanda kuri Banki Populaire yaho naho hatewe n’abajura bitwaje intwaro bariba banica umukozi waho witwaga Frederic Twagiramungu.

JPEG - 125.1 ko
JPEG - 76.5 ko



Tanga igitekerezo kuri iyi nkuru



Igitekerezo
-xxxx- Kuya 29-10-2017

GEWENDIFUZA KUBONANA NAWE

pecos Kuya 25-10-2017

Mbanje kwihanganisha umuryango wabuze uwabo nukuri birababaje gusa ibi bigaragazako igihugu cyacu kimaze gutera imbere koko muge mubyakira tugomba gutera imbere muri byose uratekereza abajura 5 bose bafite imbunda bagakora operation igacamo bakarinda bagenda abashinzwe umutekano batabafashe hhhhhhhh aha Naho ndasanga burya ntamutekano tugira nukutubeshya ikindi aba barinda amabank bazabahe imbunda zigezweho knd babongerere amahurwurwa Kuko iriyambunda baba bafite rwose nubwo ntazi ibyimbunda mba mbona ntakigenda ikindi haba harimo nabaheruka kurasa bakiri mugisirikare tekereza umaze imyaka 10ans ukivuyemo aho bitoreza babigisha kumunwa gusa nababa babigisha byibuza ntibarekura ni sasu iri rimwe Gute ahunga byibuza ntanigisambo akomerekeje basi nge simbyunva

Nshimiyimana Viateur Kuya 25-10-2017

Nonese mwibwirako abaturage bazakomeza kwicwa n’inzara abandi bicwa n’imirengwe n’ubwiyemezi kugeza ryari ? abo bashoboye gukuramo ayabo ni abagabo gusa ntibayapfushe ubusa bazayabyaze umusaruro,gusa Imana ibafashe ntibafatwe,abaririra abo bakora mu ma banks ni uko mutazi ikimenyane kibamo mu gutanga akazi,uretse ko ntako nzajya gusabayo nzakomeza nzirye.

Samson Madiba. Kuya 24-10-2017

Abajura Nka Nibajya Bafatwarwose Leta Ige Ibahana Byinangarugero Rwose.Imana Ihe Iruhuko Ridashira Uwomubyeyi Wabujijwe Ubuzima Nabobajura.