Umukobwa Theo Bosebabireba  yateye inda aratabaza

Ni umukobwa witwa Muhayimana Ruth w’imyaka 24 y’amavuko ukomoka mu Karere ka Huye mu Murenge wa Kigoma wivugira ko kuri ubu atakijya gusenga nyuma yo guterwa inda na Theogene Uwiringiyimana bakunze kwita Bosebabireba bamenyaniye mu giterane.

Muhayimana Ruth avuga ko yamenyaniye na Theogene Uwiringiyimana mu giterane cyari cyabereye mu Magepfo ahitwa I Mbazi ubwo yigaga mu ishuri ry’imyuga.

Ruth mu magambo ye ati “Njyewe nahagurutse nshima Imana kuko nari maze iminsi nibwe ibikoresho nakoreshaga ku ishuri ntakigira aho ndyama bityo mpaguruka nshima ko muri ibyo bikoresho nari nabonye bimwe muri byo.

Akomeza avuga ko nyuma yo guhaguruka nibwo Bosebabireba yahawe umwanya wo kuririmba mbere atangira avuga ati ‘burya ku banyeshuri kwiga biragora bityo uriya mwana w’umukobwa ntagende gewe ntamufashije.

Uyu yunzemo ati’’Nyuma igiterane kirangiye twaje guhura ampa numero ze nanjye muha izanjye, nyuma yaje kumpamagara ambwira ko ashaka ko tuganira ubwo nanjye ngira amahirwe nza kuza I Kigali turahura ampa amafaranga ngo ngure ibikoresho ngo ngure ibikoresho nsubire ku ishuri. Naragiye ngura ibikoresho nsubira ku ishuri nyuma dushoje icyiciri cya mbere cy’amasomo tujya muri stage biba ngombwa ko nyikorera I Kigali nyuma tukajya dukomeza kuvugana nk’umuntu wamfashije cyane ko numvaga nta kindi kintu kizavamo ku buryo byagera aha hose”.

Muhayimana yakomeje agira ati “uko twagendaga tumenyana, yaransuraga akanganiriza akangira inama nyuma birangira turyamanye antera inda, ndabimubwira maze kubimubwira numva ntari kubyumva neza arambwira ngo nzagende mbage nifashe. Mu by’ukuri nkimara kubimubwira icyo gihe sinongeye kumubona kuri telefoni ahubwo naje kubibwira umubyeyi wanjye n’umuryango wange umaze kumenya ko ntwite baje kunyamaganira kure uretse mama utarigeze anjya kure. Hanyuma naje kumanukana ibikoresho byange nsubira iwacu mu rugo gushakisha amafaranga yo kugura ibikoresho by’umwana”.

Nyuma y’igihe kinini uyu mukobwa atabona Theo Bosebabireba kuri telefoni, yaje kumufatisha baravugana amubwira ati “dore ngiye kubyara none nshakisha uburyo wampa amafaranga mbone uko ngura umwambaro nzajya nambara nk’umubyeyi igihe nzaba mvuye kwa muganga. Umwambaro yarawumpaye nyuma mvuye kwa muganga ntegereza ko hari andi mafaranga yampa yo kwifashisha ndaheba

Nyuma nyina w’uyu mukobwa yaje kumuhamagara kuko we(Umukobwa ) atamwitabaga ubwo baravugana amubwira ko yabyaye amubwira ko yakohereza amafaranga yo kuguramo ibintunga arabyemera ariko agumya kumurerega.

Ati’’Mama yakomeje kundwanaho ndetse nyuma y’ibyumweru 3 mbyaye bingendekera nabi kubera ubuzima. Nyuma naje kuzamuka njya I Kigali kwa musaza wange ariko akaba yari amaze iminsi ansaba(Theo Bosebabirea ) ngo nzamwereke ifoto y’umwana nabyaye ariko nkabura aho nyohereza kubera telefoni yange yari yaribwe.

Nyuma twaje kubonana umwana aramubona yemera ko umwana ari uwe. Namusabye ko yanshakira ibihumbi 25 nkashakamo icyo nabikoramo arabyemera ariko uwo mwanya ambwira ko nta mafaranga afite ko azayampa mu minsi ikurikiyeho. Nyuma nahise njya kwa musaza wange mpaba ukwezi n’icyumweru cyose.’’

Akomeza ati’’Musaza wange yaje kunyicaza ambaza umuntu twabyaranye sinamumubwira ibyanahise bituma anyirukana iwe ngo nsange umugabo wanteye inda. Nyuma nabuze hepfo na ruguru ndamuhamagara(Theo) mubwira ko aho nabaga banyirukanye ko ntaho mfite ho kuba arambwira ngo murindire kuri ULK ariko nkaba nari nzi ahantu ataha nyuma aza kungeraho nka saa yine z’ijoro kandi mpetse umwana w’amezi 2. Yahise ambaza uko ndabigenza nyuma yo kwirukanwa aho nabaga mubwira ko ari we ufite icyo arankorera, nyuma sinzi uwamuhamagaye ahita agenda mubwira ko ansanga aho ariko yahise aca inyuma ahamagara umugore we aba ari we unsanga aho numva arampamagaye mu izina ngo Ruth ngwino tugende’

Nabanje kwanga kujyana nawe ariko akomeza kunyinginga ku buryo bwari bubaye saa munani z’ijoro. Sinzi umuntu wadusanze duhagaze aho atubaza impamvu turaye duhahagaze iryo joro uwo mugore we amusubiza ko nanze ko ajya kuncumbikira ngo nimuhe umwana njyewe singare niba nanze kugenda.

Uwo musore wari udusanze aho yari avuze ko agiye guhamagara polisi ngo injyane nyuma nemera ko tujyana tugeze iwe dutegereza ko umugabo ataha n’aho atahiye anyereka ko atanyitayeho na gato. Umudamu we twararanye mu ruganiriro ntiyigeze aryama.

Uyu mukobwa akomeza avuga ko bukeye yasabye Theo Bosebabireba gukemura ikibazo afite bikarangira amubwira ko amafaranga yamwatse azayamuha ari ku wa mbere ariko akomeza kumurerega. Ngo yamwandikiye ubutumwa bugufi amubwira ko niba amafaranga yemeye kumuha ayamwimye ashobora kuyamuha ku itegeko.

Akomeza ashimangira ko yavuze mu rugo kwa Theo Bosebabire amafaranga amaze kumugeraho kuri TigoCash nyuma kuko ntaho yari mfite ho kujya yahise ashakisha inzu y’amafaranga makeya atangira gushakisha amafaranga nawe akajya amfasha rimwe na rimwe.

Ati’’Naje kumubwira kwandikisha umwana aza kumwandikisha ariko bigoranye. Twaje kugirana amasezerano nza kujya iwe kuko iyo atanyitabaga nahitaga njya iwe, ngezeyo umugore we yambwiye ko ngo niba nzanye uwo mwana yacukuye ibyobo byinshi ngo bityo ise natajya amugendana azagwemo ntibimureba’’

Mmu mashusho yashyizwe ahagaragara n’Ikinyamakuru ,Ibyishimo.com dukesha iyi nkuru , uyu mukobwa avuga ko yasabye Theo Bosebabireba ko bagirana amasezerano y’amafarangacazajya amuha buri kwezi angana n’ibihumbi 20 by’amafaranga y’u Rwanda ku kwezi aho yagombaga kujya amuha ibihumbi 10 kuri byumweru bibiri.

Ati’’Arabisinyira n’umugore we ndetse n’undi muntu witwa Birashoboka Aphrodis.”

Nyuma y’aya masezerano Muhayimana Ruth avuga ko n’ubundi Uwiringiyimana Theogene bakunze (Bosebabireba) atagiye ayubahiriza ari nacyo cyatumye uyu mukobwa ashyira ikibazo cye ahagaragara.

Muhayimana Ruth uvuga ko yabyaranye na Theo Bosebabireba avuga ko muri iki gihe we n’umwana yabyaye babayeho nabi .

Yabwiye Umunyamakuru wa Ibyishimo.com ko kubona amafaranga y’icumbi n’ibyo kurya bitaboroheye , kandi iyo inzara ibariye bakitabaza se w’umwana ntacyo abikoraho ahubwo araruca akarumira.

Ati :” Ejo namwandikiye ubutumwa bugufi arabusoma ariko ntacyo yansubije ,nyuma nongeye kumwandikira message ntiyamugeraho . N’ubundi mbayeho ku mihangayiko ariko icyo ndeba ni uburenganzira bw’umwana wanjye. Theo ntago afite guhinduka kandi nta muntu wamuhindura kuko ni icyemezo yafashe. Ubu inzara iraturya , maze amezi ane ntishyura inzu kandi niwe wayishyuraga , yahagaritse amafaranga yampaga buri kwezi ( 20,000 frw ) , sinzi rero uko tuzabaho ( umwana akarira asaba umubyeyi we icyo kurya ).

Mu kiganiro na Ibyishimo.com Uwiringiyimana Theogene uzwi ku izina rya [ Bosebabireba ] yatangaje ko ari i Bugande kandi aba afite ibiraka byinshi [ ubushabitsi no kuririmba ] kuruta ibyo akorera mu Rwanda.

Yabwiye umunyamakuru ko azaza mu Rwanda nyuma y’iminsi ibiri y’ikiruhuko ( ku wa gatandatu no ku cyumweru ) by’icyumweru gishize , ariko iminsi ibaye ibiri ntawe uramuca iryera.

Uyu mukobwa utuye i Kagugu ashimangira ko yamenyanye n’uyu muhanzi ubwo yari umunyeshuri i Butare mu Ntara y’Amajyepfo ari naho akomoka.

Iyumvire ibyo uyu mukobwa atangaza :

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Jean de Dieu karangwa Kuya 30-11-2017

ni mukomere banywanyi
dore Ruth we ntugakabye wagize amahirwe akajya aguha nutwo wita duke hari nababayeho badashobora kugira n uwo batakira kandi bakarera abana babo neza wisebya umuntu umaze kwibera umustar umwana umuhahire kuko ni uwawe nakura azagushimira , njye ntiwanjyana no mubinyamakuru ngo nongere no kuvugana nawe itonde rero siwowe iri kurera muri ubwo buryo wenyine yaba nawe ni umwe , abandi bakuye amaboko I mugongo bakorera ababo nawe iri kugarura umuco wo gusabiriza ntasoni reka reka kandi niba ntakazi ufite I kagugu utahe mu majyepfo twese siko tuzaba I Kigali
ubyumve ubuiteho

Jean de Dieu karangwa Kuya 30-11-2017

ni mukomere banywanyi
dore Ruth we ntugakabye wagize amahirwe akajya aguha nutwo wita duke hari nababayeho badashobora kugira n uwo batakira kandi bakarera abana babo neza wisebya umuntu umaze kwibera umustar umwana umuhahire kuko ni uwawe nakura azagushimira , njye ntiwanjyana no mubinyamakuru ngo nongere no kuvugana nawe itonde rero siwowe iri kurera muri ubwo buryo wenyine yaba nawe ni umwe , abandi bakuye amaboko I mugongo bakorera ababo nawe iri kugarura umuco wo gusabiriza ntasoni reka reka kandi niba ntakazi ufite I kagugu utahe mu majyepfo twese siko tuzaba I Kigali
ubyumve ubuiteho

Rose Kuya 30-11-2017

Kura amaboko mumufuka ukore mukobwa kuko ujya kuryamana nawe wari uziko yubatse sinzi icyo watekerezaga, mistake yabayeho rero uba utwaye n’inda ugira amahirwe unayibyara mumahoro iki ni igihe cyo gukora reka gutega amaso kuwaguteye inda nkaho yagufashe kungufu ,wikwiteza media ntacyo izagufasha uzabura na duke wabonaga twabonetse .

muhawenimana chantal Kuya 29-11-2017

Ihangane muvandi haranira kwigira gusa naho ibyabatera India byo nihatari.ikiza iyubahe ukarume situation.ibindi ubundi.

pierre Kuya 29-11-2017

uri kugira ubwenge bucye wa mukobwa we kuko uri kwibuza amahirwe yo kuguha na duke yaguhaga na kugira inama yo gukura amaboko mu mufuka ugatunga uwo muziranenge kuko ntibiba byoroshye ubwo abyemera byari byiiza kuko frw ajya abura pee cyane ko afite urugo wowe wari ukwiye gushaka buryo ki umwunganira mutiteje abisi kuko sibeza nawe akajya agufasha aho unaniwe kuko umwana nuwanyu mwembi yanagufasha no kugushakira akazi cyane ko numva ko wize imyuga kandi nawe akaba azwi ubundi ugatunga umwana wanyu thanks.

La noire Kuya 28-11-2017

Ariko abakobwa rwose !! mwaretse kwiyanika kugasi ko satan ahemba nabi koko ? nonese yagufashe kungufu, muryamana se wamubwiye ko ushaka kumubyarira ? umaze kwiyenza kumustar nawe ntakurebeye izuba urangije urahagurutse urasakuje !! sha wareka kwiteza ab’isi ? abarera abana ari bonyine ntabufasha ni benshi, baranabisinyira ba nyilabayazana ariko bakicecera ukabona uziruka murukiko ukaruha,menya kwirengera ingaruka z’icyaha, usabe Uwiteka imbabazi, Umusabe kuvana kumwana wawe karande zanyu, ubundi umusabe kugufasha kurera, wenda Azemeza uwo mwasambanye agufashe, ariko induru mubinyamakuru iragufungira nagatonyanga kakariba wari kuzavomaho nyabusa. wisebya nyoko sha icecekere. tubikora twihishe duseka twadamaraye, satan akarutwambikira kukarubanda ihorere uzenguruke bucece.

Maze nababana munzu hari igihe badafasha abo babyaye !! Teo mureke aho yihanira wenda ntuhazi, cyangwa nawe ntiworoshye yahagaritse imfashanyo kubera palapala yo kumukanga !! ndabikubwira nkuwanyuze muri ubwo buzima mukobwa, isomo nabonye guceceka, ugasenga ugakora niyo byaba gufura, kuko nakoze ubuyede mfite diplome ya kaminuza kubwumwana wanjye. nibe nawe mama wawe yarakumvise.

ihorere uceceke sha

ange Kuya 28-11-2017

Mwihangane kd harigihe ibyakubayeho ariwowe nyirakazihamagari kuko mwaryamanaga ubizi kwarumugabo waruziko azagutunga uruwakangahe wabonagako yirukana uwafite akagutunga ihaganire icyo kigeragezo niwowe wakikururiye shyiramaboko hasi ukorere icyo cyibondo wowe wire ngere ingaruka kuko ibyabaye uwo mwana ntaruhari yabigizemo nabandibakobwabagenzi bawe barebereho bagukureho isomo

ange Kuya 28-11-2017

Mwihangane kd harigihe ibyakubayeho ariwowe nyirakazihamagari kuko mwaryamanaga ubizi kwarumugabo waruziko azagutunga uruwakangahe wabonagako yirukana uwafite akagutunga ihaganire icyo kigeragezo niwowe wakikururiye shyiramaboko hasi ukorere icyo cyibondo wowe wire ngere ingaruka kuko ibyabaye uwo mwana ntaruhari yabigizemo nabandibakobwabagenzi bawe barebereho bagukureho isomo

Claude Kuya 28-11-2017

ibaze pe rero mukobwa reka nkugire inama niba urengeje imyaka 18 ikintu kiriho ntahantu wigeze ujyana ikibazo cyawe mubuyobozi ngo hakurikizwe amategeko umwana abone uburenganzira bwe bwo kubaho afite ise umwitaho bityo rero shakisha akazi niyo kaba gaciriritse kazaguha akeza witeze imbere naho ibya Bosebabireba njye ndabona warabyoroheje none yaragutuburiye hubwo ucunge neza atazongera kugutera indi gusa ihangane ushakishe icyo ukora kd uziteza imbere abone ko yakoze ubusa ark nawe gerageza kwiyubaha no kwifata mpaka ubonye uwo muzabana Imana izaguha.

peace Kuya 28-11-2017

pole kbsa ariko nagira inama abana babakobwa ko bakwigishwa nigute umugabo wabandi cg umusore agusura cg ukamusura kuki niba ari ukuganira mutajya hahandi ubona ntacyo mwahakorera svpl mureke kwiyandrika bari bu Rwanda naho abo mwita abakozi b Imana bo sishyashya hano hanze.