Amaze imyaka 25 yose atariyogoshesha  na rimwe

Malgorzata Kulczyk w’imyaka 32 y’amavuko amaze imyaka 25 yose atariyogoshesha umusatsi we na rimwe kuva ku myaka 7. Umusatsi we ni muremure ku buryo bimusaba kuwambara nk’imyambaro bigatuma aho aciye hose abantu batamukuraho ijisho bamutangarira kuri uwo musatsi udasanzwe afite.

Malgorzata Kulczyk avuga ko kuva ku myaka irindwi atigeze yiyogoshesha na rimwe ndetse kuva mu mwaka wa 2015 akaba atarawusigamo amavuta cyangwa produit iyo ari yo yose ibi bikaba byaratumye umusatsi we ukura ukaba muremure ku buryo ukrenga ku mavi ye.
Yagize ati “nta muntu n’umwe mu nshuti zange wigeze ambwira ko hari ikibazo umusatsi wange umuteye ngo wenda mbe nawiyogoshesha, ahubwo bambwiraga ko ari byiza nta kibazo”. Malgorzata Kulczyk yongeyeho ko kugeza kuri ubu nta na gahunda afite yo kwiyogoshesha uyu musatsi we.

Umusatsi wa Malgorzata Kulczyk wamubereye nk’igikoresho cyo mu buzima bwe bwa buri munsi ku buryo anaramutse awiyogoshesheje abantru benshi ntibapfa kumumenya. Malgorzata Kulczyk yavuze ko nawe ubwe yiyogoshesheje atabasha kwimenya akurikije igihe amaze atabikora. Yongeyeho ko atazi ukuntu yaba ameze aramutse afite umusatsi mukeya ndetse ko ntawapfa kumumenya.

Uyu musatsi wa Malgorzata Kulczyk ni muremure birenze urugero ku buryo ashobora kuwikwiza ku mubiri we wose akawambara nk’umwenda.
Ibi bituma aho atambutse cyangwa aho yerekeye hose abantu batamukuraho ijisho


Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo