Urukiko Rukuru rutegetse ko Diane Rwigara na nyina bakomeza gufungwa

Urukiko rukuru, ku gicamunsi cyo kuri uyu wa Kabiri tariki 21 Ugushyingo 2017, rwanzuye ko Diane Rwigara na nyina Mukangemanyi Adeline Rwigara bakomeza gufungwa by’agateganyo iminsi 30 mu gihe iperereza rigikomeje ku byaha bakurikiranyweho. Urukiko rwatesheje agaciro ubujurire bwabo, rwemeza ko nta shingiro bufite.

Kuwa Kane tariki 16 Ugushyingo 2017, Diane Rwigara na nyina Mukangemanyi Adeline Rwigara bari bitabye urukiko rukuru ngo baburanishwe mu bujurire ku bijyanye n’ifungwa n’ifungurwa ry’agateganyo, nyuma y’uko bari bakatiwe gufungwa by’agateganyo iminsi 30 mu gihe iperereza ku byaha bakurikiranyweho rikomeje.

Nyuma y’iburanishwa, kuri uyu wa Kane nibwo hasomwe imyanzuro y’urukiko rukuru, rwemeza ko ubujurire bwabo nta shingiro bufite maze rushimangira ibyari byafashweho icyemezo n’urukiko rwisumbuye rwa Nyarugenge. Diane Rwigara yari yitabiriye isomwa ry’urubanza rwe naho nyina Mukangemanyi ntiyahagaragaye, hari umwunganira mu mategeko Me Gatera Gashabana.
Inkuru mu ijwi kanda hano uyisangize n’abandi

Kuwa Mbere tariki 23 Ukwakira 2017, nibwo mu rukiko rwisumbuye rwa Nyarugenge, hasomwe urubanza ku ifungwa n’ifungurwa ry’agateganyo, ruregwamo Mukangemanyi Adeline Rwigara, Uwamahoro Anne Rwigara na Diane Nshimiyimana Rwigara, umucamanza yemeza ko babiri mu baregwa bagomba gufungwa iminsi 30 y’agateganyo mu gihe iperereza rikomeje ngo hazabone gutangira kuburanisha urubanza mu mizi, naho umwe we asabirwa gufungurwa agakurikiranwa ari hanze.

Abacamanza bagaragaje ko Mukangemanyi Adeline Rwigara na Diane Nshimiyimana Rwigara, hari impamvu zikomeye zituma bakekwaho ibyaha bashinjwa n’Ubushinjacyaha kandi bakagaragaza ko ibisobanuro batanze bidafite ishingiro. Urukiko kandi rwagaragaje ko bashobora gutoroka cyangwa gusibanganya ibimenyetso. Byarangiye urukiko rutegetse ko aba bafungwa iminsi 30 y’agateganyo mu gihe iperereza rigikomeje, ibi biakaba ari nabyo byashimangiwe n’urukiko rukuru.



Tanga igitekerezo kuri iyi nkuru



Igitekerezo