Umwanzi ukomeye watera u Rwanda ni uwaturuka imbere mu gihugu-Perezida Kagame

Mu kwizihiza isabukuru y’imyaka 30 ishyaka FPR inkotanyi rimaze rishinzwe, Perezida Kagame yavuze ko nta mwanzi watera u Rwanda aturutse hanze y’ igihugu ngo abishore ko ahubwo umwanzi ukomeye ari uwaturuka imbere mu gihugu.
Umukuru w’igihugu yabivuze kuri uyu wa Kane tariki 14 Ukuboza 2017 ubwo ishyaka FPR inkotanyi riri ku butegetsi mu Rwanda ryizihizaga isabukuru y’imyaka 30 rishinzwe.

Yagize ati “Indake iri hano iri muri twe, ikizaturinda kikarinda ibyo twubaka kiri muri twe hano muri mwe. Nitwirinda ya mico mibi, tukuzuzanya, tukagira ubumwe, tukagira imyitwarire myiza, ntabwo abantu bashobora kugira aho bamenera.”

Yunzemo ati “Nibyo nababwiraga bigitangira kudutera uturutse hanze biragoye. Kudutera uduturutsemo nibyo byoroshye nibyo bishoboka, icyo gihe rero aho niho dukwiriye kureba naho ibindi burya …ntabwo mwibuka ya ndirimbo ya babanyarwanda"

Abanyamuryango ba FP bahise batangira kuririmba ngo ’ndandambara yandera ubwoba’…Perezida Kagame ageze aho abongereramo igitero kivuga ngo iyarinze FPR izandida nanjye.

Ibi umukuru w’ igihugu abivuze mu gihugu hari inkuru zimaze iminsi zitangazwa mu binyamakuru zivuga ko umubano w’ u Rwanda na Uganda utifashe neza ndetse no Uganda ishobora kuba irimo kwitegura gutera u Rwanda.

Perezida Kagame yasabye abayobozi b’ igihugu baturuka mu ishyaka riri ku butegetsi kwirinda umuco wo kwiratana ibyagezweho nabyo batazi neza ahubwo bagakora cyane.

Yabasabye guha urugero rwiza abakiri bato bakirinda kwishyira imbere, kwigamba, n’ umuco wo kwikunda.

Perezida Kagame yabivuze akomoje ku bayobozi ngo bakunze kuvuga ko amahanga aza kwigira ku Rwanda nyamara ngo bakabivuga uwababaza icyo ayo mahanga aza kwigira ku Rwanda batashobora kugisubiza.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo