Umunyamabanga Nshingwabikorwa w’Akarere ka Karongi yeguye ku murimo ye

Emmanuel Muhire , Umunyamabanga Nshingwabikorwa w’Akarere ka Karongi yeguye ku murimo ye uyu munsi, ibi bikaba bibaye nyuma y’uruzinduko rw’akazi rw’ Umunyamabanga wa Leta muri Minisiteri y’Ubutegetsi bw’Igihugu ushinzwe Iterambere ry’Abaturage, Cyriaque Harerimana yagiriye ku karere ka Karongi muri iki gitondo.

Emmanuel Muhire ngo yeguye ku mpamvu ze bwite nk’uko Umuseke wabitangirijwe na Eng. Frederic Mutangana uyobora Inama njyanama y’Akarere ka Karongi nk’uko biri mu ibaruwa yahaye Inama Njyanama.

Mu bikekwako byaba byatumye yegura harimo ikibazo cyavuzwe mu gihe kinini gishize cy’amande y’ubukererewe yaciwe rwiyemezamirimo wubatse ibitaro by’Akarere ka Karongi nkuko Umuseke babivuga.

Amakuru avuga ko rwiyemezamirimo yaciwe amande ya miliyoni 11 mu gihe ngo yagombaga gucibwa amande ya miliyoni 154 y’u Rwanda hakurikijwe ibiri mu masezerano.

Mu mpera z’umwaka ushize muri Karongi humvikanye amakimbirane hagati y’ubuyobozi bw’Akarere n’ubw’ibitaro bya Karongi bikaba bikekwa ko isuzuma ry’Umunyamabanga wa Leta muri MINALOC ushinzwe iterambere rishobora kuba ariryo ryeteye Emmanuel Muhire kwegura.

PNG - 868 kb
Emmanuel Muhire wari Umunyamabanga Nshingwabikorwa w’Akarere ka Karongi

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo