U Bwongereza ntibwumvikana na EU ku mugambi wo kuva muri yu muryango

Ministri w’intebe w’Ubwongereza, Theresa May, n’umukuru w’akanama k’Umuryango w’Ubumwe bw’Uburayi (European Union, EU), Jean Claude Juncker, batangaje ko batabashije kugera ku mwumvikano mu gice cya mbere cy’imishyikirano igamije kuvana iki gihugu muri uwo muryango.

Amakuru aturuka mu Bubirigi aravuga ko bari babashije kumvikana ku mupaka w’u Bwongereza na Repubulika ya Ireland.

PNG - 480.9 ko
Ministri w’intebe w’Ubwongereza, Theresa May n’umukuru w’akanama k’Umuryango w’Ubumwe bw’Uburayi, Jean Claude Juncker


BBC dukesha iyi nkuru ivuga ko yamenye amakuru avuga ko umwumvikano wari ukenewe utagezweho kubera ko Theresa May yahagaritse imishyikirano kubera ko ishyaka rikomeye mu ntara y’Ubwongereza ya Ireland ya ruguru, DUP, ryavuze ko ridashobora gushyigikira amasezerano aha byinshi Repubulika ya Ireland.

Birasa nk’aho muri rusange abari mu mishyikirano bumvikanye ku mafaranga u Bwongereza bugomba kwishyura Umuryango w’Ubumwe bw’Uburayi nibumara kuwuvamo ndetse no ku burenganzira abanyaburayi bari mu Bwongereza bazaba bafite.

Biteganyijwe ko imishyikirano izakomeza mu mpera z’iki cyumweru.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo