U Burusiya burashinja Amerika gushotora Koreya ya Ruguru

Minisitiri w’ububanyi n’amahanga w’u Burusiya, Sergei Lavrov arashinja Amerika gukomeza gushotora Koreya ya Ruguru yitwaje umugambi w’iki gihugu wo gucura ibitwaro by’ubumara.

Sergei Lavrov yamaganye Nikki Haley uhagarariye Amerika mu ishyirahamwe mpuzamahanga rya ONU by’umwihariko mu kanama ka Onu gashinzwe umutekano wasabaga ibihugu bitandukanye guhagarika imigenderanire na Koreya yaRruguru nyuma yuko yongeye kugerageza igisasu cya kirimbuzi.

U Burusiya buvuga ko ibihano bifatirwa Koreya ya Ruguru ntacyo bimaze ko icyaba kiza ari uko habaho ibiganiro ku mpande zose.

Amerika yamenyesheje iki gihugu ko nubwo cyahisemo inzira y’intambara, mu gihe byaba bibaye ngombwa ko haba intambara, izasambura iki gihugu cyose ku buryo bukomeye nkuko idasiba kubivuga.

Amerika ntisiba kumenyesha igihugu cya Koreya ya Ruguru ko izagisambura mu gihe cyose cyaba giteje intambara nyamara iki gihugu kigakomeza kuvunira ibiti mu matwi.

Ku munsi wa gatatu nibwo Koreya ya Ruguru yaragerageje ikindi gisasu mu mezi abiri, ivuga ko gishobora gushyika aho ari ho hose ku butaka bwa Amerika.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo