RDC : USA yategetse ko  itariki y’amatora igomba guhinduka akaba 2018

Mu ruzinduko arimo muri Repubulika Iharanira Demokarasi ya Congo, kuri uyu wa gatanu tariki ya 27 Ugushyingo 2017, ambasaderi wa leta zunze Ubumwe z’Amerika mu muryango w’abibumbye, Nikki Haley yategetse ko amatora ya perezida muri iki gihugu agomba kuba muri 2018 mu gihe komisiyo y’amatora yari yatangaje ko azaba 2019.

Madame Nikki Haley, uhagarariye leta zunze ubumwe z’Amerika muri ONU, kuri ubu ari muri Congo Kinshasa mu ruzinduko rw’akazi.

Ubwo yabonanaga na perezida wa komisiyo y’amatora Corneille Nangaa kuri uyu wa gatanu, Nikki yatangaje ko amatora agomba kuba mu mwaka wa 2018 aho kuba mu mwaka wa 2019 nk’uko byari byatangajwe na komisiyo y’amatora muri iki gihugu.

JPEG - 20.6 ko
Ambasaderi wa leta zunze Ubumwe z’Amerika mu muryango w’abibumbye, Nikki Haley

Yagize ati,“ Amatora ya perezida agomba kuba mu mwaka wa 2018, repubulika iharanira demokarasi ya Congo ntabwo igomba kurangamira ku nkunga ya leta zunze ubumwe z’Amerika cyangwa iy’imiryango mpuzamahanga, ntituzashingira kuri gahunda iterekana mu buryo bugaragara niba amatora azaba muri 2018, mbere y’uko itangazwa, impande zose zigomba kuyigiramo uruhare”.

Nikki ubwo yanabonanaga na padiri Donatien Shole, umuvugizi w’aba eveke, yabasabye kugira uruhare mu mitegurire y’amatora.

Madame Nikki Haley, yageze muri repubulika iharanira demokarasi ya congo kuwa gatatu tariki ya 25 ugushyingo 2017, aho yageze I Goma na Kitchanga mu ntara ya Kivu y’amajyaruguru aho yasuye inkambi y’impunzi.
Biteganyijwe ko ku mugoroba wo kuri uyu wa gatanu tariki ya 27, Madame Nikki Haley, abonana na perezida Joseph Kabila.
By Nsengimana Theoneste



Tanga igitekerezo kuri iyi nkuru



Igitekerezo