Perezida wa Myanmar yeguye ku mirimo ye

Nyuma y’imyaka 2 yinjiye muri Perezidansi, Perezida w’igihugu cya Myanmar, Htin Kyaw yeguye ku mirimo ye avuga ko agiye kwiruhukira.

Learn how to Thrive

Mu gitondo cyo kuri uyu wa gatatu tariki ya 21 Werurwe 2018 nibwo Perezida wa Myanmar yeguye ku mirimo ye nkuko yabicishije ku rukuta rwe rwa Facebook ndetse yongeraho ko umuyobozi ugomba kumusimbura agomba kumenyekana mu gihe kitarenze iminsi 7 y’akazi.

Iyi ni inkuru izindutse yandikwa n’ibinyamakuru byinshi bitandukanye byo ku isi dore ko ije itunguranye bishingiye ko uyu muperezida yari amaze igihe gitoya ku butegetsi.

Perezida Htin Kyaw yarahiriye kuyobora Repubulika ya Myanmar mu mwaka wa 2016 nyuma y’inkundura y’amatora yegukanyemo intsinzi yatumye ubutegetsi bwari bumaze igihe mu maboko y’igisirikari bushyirwaho akadomo.

Htin Kyaw ni umuntu usanzwe yikundira ibirori byatumaga, Aung San Suu Kyi utavuga rumwe n’ubutegetsi bwe byasaga nk’aho ariwe Perezida w’gihugu.

Ku rukuta rwa Facebook ya Perezida Htin Kyaw handitsweho amagambo agaragaza ubwegure bwe agira ati " Perezida Htin Kyaw yagiye kuruhuka".

Ibi byatumye Visi-Perezida Myint Swe afata inshingano zo kuba ayoboye igihugu mu gihe hagitegerejwe ugomba kumusimbura mu gihe cy’iminsi 7.

Mu Itegeko Nshinga rya Repubulika ya Myanmar harimo ingingo ikumira Perezida weguye ku mirimo ye kuba yasimburwa n’umwana we by’umwihariko mu gihe uwo mwana afite ubwenegihugu burenze ubw’igihugu cye. yeguye ku mirimo ye afite abana 2 n’umugore w’Umwongereza.

Repubulika ya Myanmar yakunzwe kurangwa n’ibihe bikomeye dore ko mu mwaka ushize abantu bo mu bwoko bw’Aba-Rohingya b’Abayisilamu barenga 700,000 bahunze bava mu mitungo yabo kubera ubwicanyi n’ihohoterwa ryabakorerwaga n’ubu bisa nk’aho bitararangira neza.

Igihugu cya Myanmar gikunze no kwitwa ’Burma’ giherereye mu magepfo y’uburasirazuba bw’umugabane wa Aziya, gifite abaturage bari mu moko arenga 100. Ni igihugu gihana imbibi n’ibihugu birimo India, Bangladesh, China, Laos na Thailand. Iki gihugu cyabonye ubwigenge mu mwaka wa 1948.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo