Ni ibyishimo bikomeye nyuma y’irahira rya Perezida mushya wa Zimbabwe (Amafoto)

Nyuma yuko Perezida wari ukuze kurusha abandi ku isi, Robert Mugabe w’imyaka 93 y’amavuko yeguye ku wa 21 Ukuboza 2017 nyuma y’imyaka 37 yose yari ayoboye igihugu cya Zimbabwe, kuri uyu wa gatanu tariki ya 24 Ugushyingo 2017 nibwo hari hateganyijwe ibirori by’irahira rya Emmerson Mnangagwa nka Perezida mushya w’igihugu umuhango usize akanyamuneza ari kose mu baturage b’iki gihugu bishimira kwigobotora ingoma y’igitugu.

Nkuko twakomeje kugenda dukurikirana ibyaberaga mu gihugu cya Zimbabwe kuva igisirikari cyafata icyemezo guhagarika umukambwe Robert Mugabe ku butegetsi bikaza kurangira yeguye kuri izi nshingano biturutse ku gitutu yakomeje kotswa n’abaturage bafatanyije n’igisirikari ndetse n’Inteko Inshingamategeko yari yiteguye gutora ingingo zimweguza, kuri ubu birangiye Emmerson Mnangagwa wari Visi Perezida akaza kwirukanwa kuri uyu mwanya ari we ubaye Perezida mushya w’igihugu cya Zimbabwe mu gihe cy’iminsi 90 hategurwa amatora y’ugomba gukomeza kuyobora ik gihugu mu buryo bwemewe n’amategeko kandi biciye mu matora.
Mu ijambo yagejeje ku mbaga y’abaturage bari bateraniye ku kibuga cya Harare nyuma yo kurahira, Emmerson Mnangagwa yavuze ko Mugabe ari we wamwigishije politike kandi ko bakoranye neza mu gisirikare.
Avuga kuri politike, Emmerson Mnangagwa yanenze ibyemezo bya Mugabe byo kwaka abazungu imwe mu mitungo yabo avuga ko we adashobora kuyiharira cyangwa ngo ayisubirane nkuko Mugabe yabigenzaga.

Mu cyumweru cyashize nibwo igisirikare cyahagaritse Perezida Mugabe ku nshingano zo kuba umukuru w’igihugu mu gushyigikira Emmerson Mnangagwa wari umaze kwirukanwa na Mugabe ku mirimo ye ibyo abantu bavuze yashakiraga inzira umugore we Grace Mugabe ngo azabe ari we umusimbura ku butegetsi.
Emmerson Mnangagwa umaze kurahirira kuyobora igihugu cya Zimbabwe, yavutse ku itariki ya 15 Nzeli 1942. Yabaye Visi Perezida wa Zimbabwe kuva mu mwaka wa 2014 ku itariki ya 12 Ukuboza kugeza mu mwaka wa 2017 ku itariki ya 6 Ugushyingo 2017 ubwo yirukanwaga ku mirimo ye na MUgabe.

PNG - 802.9 ko
Emmerson Mnangagwa n’umufasha we

Robert Gabriel Mugabe yavutse ku itariki ya 21 Gashyantare 192, yagiye ku butegetsi ku itariki ya 31 Ukuboza mu mwaka wa 1987 akaba yeguye ku mirimo ye yo kuba umukuru w’igihu ku itariki ya 21 November 2017 aho yari amaze imyaka isaga 37 yose ku butegetsi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo