Mugabe yakuriye inzira ku murima abibwira ko yarekura ubutegetsi

Leta ya Afrika yepfo yavuze ko Perezida wa Zimbabwe, Robert Mugabe yabonanye n’abahagarariye ibihugu byo mu karere mu ntumbero yo gushakira umuti ibibazo byugarije gihugu ariko akavuga ko yifuza kuguma ku butegetsi kugeza ku gihe cy’amatora mu mwaka utaha.

Ku munsi w’ejo nibwo Perezida Mugabe yagiye kuri Perezidansi avuye aho asanzwe aba, aho yari amaze amasaha afungishijwe ijisho n’igisirikare.

Nkuko bamwe mu byegera bya Perezida Mugabe babivuga, ngo yifuza kuguma ku butegetsi kugeza igihe cy’amatora mu mwaka utaha.

PNG - 675.9 ko
Nubwo Mugabe asa nk’uwahiritswe ku butegetsi na General Constantino Chiwenga, ntibyatumye badahura ngo baseke


Umuyobozi w’ishyaka ritavuga rumwe n’ubutegetsi, MDC, Morgan Tsvangirai, we yatangaje ko ubwegure bwa Mugabe bwakoroshya gahunda yo gusaranganya ubutegetsi mu nzibacyuho.

Ati “Byatugeza ku mavugurura asobanutse yatuma dukora amatora anyuze mu mucyo.”

Uwigeze kuba icyegera cya Mugabe, Joice Mujuru yasabye ko hategurwa amatora aciye muri demokarasi , mu mucyo no mu bwisanzure ku baturage bose.
Byavugwaga ko Grace Mugabe yahungiye muri Namibia, ariko hari andi makuru avuga ko ari mu muryango we i Harare hamwe n’urubyiruko rwo mu ishyaka rya Zanu PF rumushyigikiye.

Bamwe muri urwo rubyiruko bafunzwe bakekwaho uruhare mu gufatanya na Grace Mugabe kwirukana abakomeye muri Zanu PF kugira ngo abe ari we uzasimbura umugabo we ku butegetsi.

Ibi bibazo byose bikomeje gushakirwa umuti mu nama y’abanyamuryango ba SADC mu gihugu cya Botswana.

PNG - 809.5 ko
Intumwa zavuye muri Afurika y’Epfo nizo zahagarikiye ibi biganiro


Mu cyumweru gishize Mugabe yirukanye Visi-Perezida we Emmerson Mnangagwa bishimangira ko ashyigikiye ko umugore we Grace Mugabe ari we uzamusimbura.

Mnangagwa ni umwe mu barwanye urugamba rwo kubohora Zimbabwe mu 1970. Afitanye ubucuti bukomeye n’abasirikare bakuru ari nayo mpamvu bahise bitambika.

Kugeza kuri ubu nta makuru y’ibyavuye mu biganiro hagati ya Mugabe na General Constantino Chiwenga aratangazwa.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo